影片
更多
2024-06-12
181 瀏覽
太子依間「Owens」真係人氣小店，嗰日去幫襯，居然係座無虛席，要排一陣隊，依度嘅食物質素都唔錯，而且CP幾高，人均$250就包括有前菜、小食、主菜、飲品、甜品，好鍾意依度嘅Staff總係笑容滿面、有禮貌，會主動換碟、斟水。*此餐廳收取加一服務費。意式香蒜白酒煮蜆扁意粉（單點$122），蜆肉食落有鮮味，略嫌扁意粉味道比較清淡，配料包括有彩椒、豆苖、辣椒絲。紅酒汁燴牛胸腹肉意大利飯（單點$118），牛胸腹肉口感軟腍，牛味厚重，意大利飯口感軟硬適中，紅酒汁味道濃郁，內有雜菌、洋蔥、香蒜。香蒜白酒煮蜆（單點$88），蜆肉食落好新鮮，帶有香蒜、黑椒味道，配料包括有彩椒。4隻芝士及蒜蓉焗生蠔（跟餐$68），芝士焗生蠔，生蠔肉質肥美，即使經過焗烤，但都無縮水，雖然係採用雙重芝士製作，但食落卻無芝士味道嘅鹹香；蒜蓉焗生蠔，蒜蓉食落好香口，但又不會蓋過生蠔嘅鮮甜。水牛城雞翼4隻（跟餐$38），雞翼好大隻，水牛城醬味道酸甜，略嫌辣味欠奉。沙律菜（跟餐$0），內有苦菊、紅毛菜、羅馬生菜、車厘茄，配以日式焙煎芝麻醬食用，味道更佳。是日餐湯（跟餐$0），南瓜忌廉湯，口感Creamy，本身已經留意到湯色並非橙色
主菜、飲品、甜品，好鍾意依度嘅Staff總係笑容滿面、有禮貌，會主動換碟、斟水。
*此餐廳收取加一服務費。
意式香蒜白酒煮蜆扁意粉（單點$122），蜆肉食落有鮮味，略嫌扁意粉味道比較清淡，配料包括有彩椒、豆苖、辣椒絲。
紅酒汁燴牛胸腹肉意大利飯（單點$118），牛胸腹肉口感軟腍，牛味厚重，意大利飯口感軟硬適中，紅酒汁味道濃郁，內有雜菌、洋蔥、香蒜。
香蒜白酒煮蜆（單點$88），蜆肉食落好新鮮，帶有香蒜、黑椒味道，配料包括有彩椒。
4隻芝士及蒜蓉焗生蠔（跟餐$68），芝士焗生蠔，生蠔肉質肥美，即使經過焗烤，但都無縮水，雖然係採用雙重芝士製作，但食落卻無芝士味道嘅鹹香；蒜蓉焗生蠔，蒜蓉食落好香口，但又不會蓋過生蠔嘅鮮甜。
水牛城雞翼4隻（跟餐$38），雞翼好大隻，水牛城醬味道酸甜，略嫌辣味欠奉。
沙律菜（跟餐$0），內有苦菊、紅毛菜、羅馬生菜、車厘茄，配以日式焙煎芝麻醬食用，味道更佳。
是日餐湯（跟餐$0），南瓜忌廉湯，口感Creamy，本身已經留意到湯色並非橙色，略嫌南瓜味道欠奉，味道類似就咁飲緊忌廉湯，不過飲落又有南瓜渣。
伯爵茶麻糬提拉米蘇（跟餐$48），表面鋪有可可粉，伯爵茶意大利軟芝士內有茶葉籽，茶味濃厚，略嫌味道偏甜，麻糬口感煙韌，手指餅口感濕潤，帶有咖啡味道。
自家製蛋糕（單點$48），巴斯克流心麻糬芝士蛋糕，芝士蛋糕口感綿密，但食落入口即化，帶有焦香味道，麻糬拉絲效果突出。
自家製蛋糕（跟餐$38），抹茶紅豆麻糬卷蛋，略嫌抹茶味道並無想像中濃香，不論係抹茶忌廉定還是抹茶蛋糕部分，即使紅豆比例好少，但都可以好輕易蓋過抹茶味道，不過以飯後甜品而言，依個抹茶濃度適中，不會濃到膩，即使係飯後先嚟食，都仲可以一啖接一啖咁食，
藍莓乳酪（跟餐$21），表面鋪有脆米，口感濃稠，飲落好清爽。
香茅生薑蜜（跟餐$0），香茅味道清香，生薑蜜雖然越飲越辣，不過都唔會太辣，味道清甜，容易入口。
5 瀏覽
0 讚好
0 留言
2 瀏覽
0 讚好
0 留言
3 瀏覽
0 讚好
0 留言
3 瀏覽
0 讚好
0 留言
1 瀏覽
0 讚好
0 留言
2 瀏覽
0 讚好
0 留言
1 瀏覽
0 讚好
0 留言
2 瀏覽
0 讚好
0 留言
1 瀏覽
0 讚好
0 留言
1 瀏覽
0 讚好
0 留言
1 瀏覽
0 讚好
0 留言
0 瀏覽
0 讚好
0 留言
張貼
