影片
更多
2025-03-24
1156 瀏覽
一生懸麵 Issyokemen📍旺角通菜街73號地舖慶祝3月14嘅下半場，我哋二訪旺角親民價錢嘅高質拉麵店，恰巧撞正兩款新推出嘅期間限定拉麵，更加唔洗諗，一於趁晚市人潮前快快入座。 💰$78醤油味チキンスープラーメン 🍜期間限定嘅兩款雞湯拉麵，主打都係較清嘅雞湯，配搭幼麵享用，提供醬油同塩味兩種款式。朋友揀選醬油雞湯拉麵，附有慢煮豚叉燒、雞叉燒各一、半熟蛋一隻、玉米筍同竹筍。為咗多多補充蛋白質，朋友仲加多咗一隻半熟蛋同三片慢煮豚叉燒，所以先有圖中咁澎湃嘅「肉簾」出現。醬油味雞湯比一般醬油拉麵嘅湯底多咗雞嘅鮮美，湯底清澈唔油膩，飲落又有醬油嘅天然甜香，相對下唔會太快覺飽覺濟。慢煮豚叉燒依然keep到水準，粉嫩嘅肉色同軟嫩嘅口感非常加分，話係百吃不厭都不為過。 💰$72豚骨ラーメン 🍜同樣搭配幼麵嘅白湯豚骨拉麵，湯底則濃稠得多，比一般豚骨湯底更有質感，味道更有層次。標配兩片慢煮豚叉燒、紫菜同半隻半熟蛋。個人推介將叉燒沾滿湯汁再大口吃肉，豚香四溢，大大一片肉，感覺特別滿足！我亦額外加配三片慢煮雞叉燒，令味道唔會太單一。雞叉燒鮮嫩、多汁、無渣，味道不輸豚叉燒！兩碗拉麵各有千秋，我會建議重口味人
📍旺角通菜街73號地舖
慶祝3月14嘅下半場，我哋二訪旺角親民價錢嘅高質拉麵店，恰巧撞正兩款新推出嘅期間限定拉麵，更加唔洗諗，一於趁晚市人潮前快快入座。
[價錢 Price]
💰$78
醤油味チキンスープラーメン 🍜
期間限定嘅兩款雞湯拉麵，主打都係較清嘅雞湯，配搭幼麵享用，提供醬油同塩味兩種款式。朋友揀選醬油雞湯拉麵，附有慢煮豚叉燒、雞叉燒各一、半熟蛋一隻、玉米筍同竹筍。為咗多多補充蛋白質，朋友仲加多咗一隻半熟蛋同三片慢煮豚叉燒，所以先有圖中咁澎湃嘅「肉簾」出現。
醬油味雞湯比一般醬油拉麵嘅湯底多咗雞嘅鮮美，湯底清澈唔油膩，飲落又有醬油嘅天然甜香，相對下唔會太快覺飽覺濟。
慢煮豚叉燒依然keep到水準，粉嫩嘅肉色同軟嫩嘅口感非常加分，話係百吃不厭都不為過。
[價錢 Price]
💰$72
豚骨ラーメン 🍜
同樣搭配幼麵嘅白湯豚骨拉麵，湯底則濃稠得多，比一般豚骨湯底更有質感，味道更有層次。標配兩片慢煮豚叉燒、紫菜同半隻半熟蛋。個人推介將叉燒沾滿湯汁再大口吃肉，豚香四溢，大大一片肉，感覺特別滿足！
我亦額外加配三片慢煮雞叉燒，令味道唔會太單一。雞叉燒鮮嫩、多汁、無渣，味道不輸豚叉燒！
兩碗拉麵各有千秋，我會建議重口味人士揀我食嘅白湯豚骨拉麵，淡口味人士則可試試期間限定款式。
[價錢 Price]
💰$35
フライトチキン 🍗
食一生懸麵，又點少得唐揚炸雞？炸雞皮脆、肉滑、有肉汁，一口拉麵，一口炸雞，咁先夠爽！
[價錢 Price]
💰$29
餃子 🥟
我哋另外點咗一份餃子小食，小小一隻包滿菜肉餡，皮薄香脆，趁熱食味道更佳！
[價錢 Price]
💰$20
和歌山蜜柑橙綠茶 🍊
第一次飲號稱「職人級」嘅SAGE水果茶，打住每樽含有至少10%新鮮果汁同Made in Hong Kong嘅旗號，喺樽裝茶界打響名堂。店內提供日本香印提子茉莉綠茶、荔枝茉莉綠茶同和歌山蜜柑橙綠茶共三款，我哋揀咗最後一款試試。
蜜柑橙綠茶味道清甜不假，柑同橙嘅香氣同清淡嘅綠茶合而為一，飲落有少少似微甜版嘅「柑香茶」，配拉麵飲就唔個肚怕飽飽漲漲啦！
張貼
