影片
更多
2024-02-14
112 瀏覽
幾個月前食過一次，突然好想食佢嘅lunch set，咁緊係即刻翻兜啦😆點餐時見到仲有brunch menu，咁就點咗一個brunch同一個lunch set。Brunch Set 安格斯肉眼牛排 8oz $178牛扒都幾大份，而且都厚身，應該真係足8oz。牛扒點咗五成熟，切開覺得似七成，但都好食，食落都幾juicy，唔乾唔柴，肉味濃郁，脂肪位勁香，蘸牛扒汁好正，不過有少少筋。薯角非常香脆，可惜無跟茄汁，沙律菜正常發揮。升級套餐 +$42牛角包好酥脆，切開見到好靚的蜂窩，食落牛油味好香濃，不過size太細個，再大d就更好😆香濃豆乳雞湯的豆乳好濃郁，熱辣辣飲好正，仲有好多湯料，有菇菇、腐皮同蘿蔔粒粒，呢個湯真心唔錯👍🏻Sea Salt Caramel Latte咖啡味好濃郁，焦糖味好出，呢杯Latte好正🥰Lunch Set B $102煙燻三文魚藜麥牛油果沙律老實講無乜太特別，就係將所有食材放埋一齊，味道ok啦，正常發揮。法式燴牛面頰呢款真係必點，上次已經覺得好正，今次食質素都仲keep得住。牛肉軟腍，炆得好入味，份量又多又大件，連汁都好食🤤唐揚魷魚鬚呢款我覺得佢嘅炸皮硬咗少少，食落唔係
幾個月前食過一次，突然好想食佢嘅lunch set，咁緊係即刻翻兜啦😆點餐時見到仲有brunch menu，咁就點咗一個brunch同一個lunch set。
Brunch Set
安格斯肉眼牛排 8oz $178
牛扒都幾大份，而且都厚身，應該真係足8oz。牛扒點咗五成熟，切開覺得似七成，但都好食，食落都幾juicy，唔乾唔柴，肉味濃郁，脂肪位勁香，蘸牛扒汁好正，不過有少少筋。
薯角非常香脆，可惜無跟茄汁，沙律菜正常發揮。
升級套餐 +$42
牛角包好酥脆，切開見到好靚的蜂窩，食落牛油味好香濃，不過size太細個，再大d就更好😆
香濃豆乳雞湯的豆乳好濃郁，熱辣辣飲好正，仲有好多湯料，有菇菇、腐皮同蘿蔔粒粒，呢個湯真心唔錯👍🏻
Sea Salt Caramel Latte咖啡味好濃郁，焦糖味好出，呢杯Latte好正🥰
Lunch Set B $102
煙燻三文魚藜麥牛油果沙律
老實講無乜太特別，就係將所有食材放埋一齊，味道ok啦，正常發揮。
法式燴牛面頰
呢款真係必點，上次已經覺得好正，今次食質素都仲keep得住。牛肉軟腍，炆得好入味，份量又多又大件，連汁都好食🤤
唐揚魷魚鬚
呢款我覺得佢嘅炸皮硬咗少少，食落唔係酥脆，而係偏硬的脆，咀嚼時都要用d力，可能係炸皮厚？🤔️魷魚味偏淡，味道全靠沙律醬，唯一可以讚的係份量多，食極都仲有🤣
玫瑰白茶(杯）+$13
聞落味道好淡，唔係好聞到有味，點知飲落玫瑰味勁濃郁，仲勁過自己沖玫瑰花，飲落超正，真係有回味無窮的感覺😍
食咗咁多嘢，唔爭在叫埋甜品啦😏
玫瑰雪糕 +$18
有食到淡淡玫瑰味，雪糕質地都幾結實，味道係唔差，不過有玫瑰白茶珠玉在前，白茶的玫瑰味太濃啦，雪糕叫其他味可能更好，而家有比較就有失望。
Tiramisu +$18
咖啡味香濃，芝士細滑香軟，呢件tiramisu 好高質，另外菠蘿好香甜，蜜瓜都唔錯😋
Peko Peko Eatery (康怡廣場北座) (太古)
太古康山道1-2號康怡廣場北座地下G7-G8號舖
*上述文章只供參考及以當時價格為準
張貼
