山

營業中

休息中

山 Yama📍銅鑼灣耀華街38號The Zing!15樓下篇就私心推介我喺山嘅至愛：甜品、湯品及餐飲。我真係典型嘅甜品控，好多時即使食唔落主食都好，都總有胃口食甜品，尤其係西式嘅pastries同糕點。湯就更加唔洗講，係我至愛。至於飲品，無咩舒服過食完甜食後飲返杯熱茶解膩，對於呢篇介紹嘅所有嘢，我都非常滿意，仲有少少食上癮，成日心掛掛想再食。 💰$788山の冬 🦀御椀 🥣蟹肉味噌湯 🦀山嘅麵豉湯一向濃郁，因為用咗三種味噌煮成，今次加入蟹肉後，湯底多咗少少鮮味，不過蟹味唔會話好搶戲，唔細心品嘗，可能都唔會知道呢款係蟹肉味噌湯，怕蟹味但又想嘗試下嘅朋友不妨試試。甘物 🧁終於介紹到我嘅主場，甜品！今次真係好滿足呀，因為一個餐包齊三款人氣甜品，一次過滿足晒我三個願意。不過始終主角都係我朋友，所以我都不得不控制住自己，細細啖咁食每一款雪糕。紅豆麻糬抹茶雪糕 🫘🍨店員介紹甜品嘅時候，建議我哋先食會比較快溶嘅紅豆麻薯抹茶雪糕，紅豆粒粒都好大粒，豆味香濃；抹茶雪糕茶味出色，食落有回甘；麻糬煙煙韌韌，口感軟軟QQ，無一樣嘢可以挑剔！迷你粟子蒙布朗 🌰迷你栗子Mont Blanc造型搶鏡，酷似一小堆炒麵。