旬彩火鍋

營業中

休息中

收工👦🏻又接老友收工同溜冰，溜完冰梗係去打個邊爐先🫕。今次就去左位於mega box既荀彩火鍋，餐廳以日本風裝潢，餐廳夠哂大夠哂闊落，而今次我地簡左晚餐B餐：120分鐘美國肥牛+精選牛肉+粟豚放題。🌟湯底咁我地就簡左壽喜燒湯底，壽喜燒湯底比較甜，唔會話太咸，拎黎淥肥牛等肉類簡直一流！🌟肉類🥩B餐任限任點既肉類包括美國肥牛、美國精選牛肉同埋西班牙粟豚。整體黎講，肉質鮮嫩。美國精選牛肉值得一提，牛肉身充滿雪花❄️，油脂分布均勻，食落充滿油脂感🥰。🌟壽司壽司刺身整體新鮮，比較值得一提既係火炙三文魚壽司同埋北寄貝壽司。火炙三文魚表面滲出了香濃魚油，火灸至恰到好處，食落好似棉花糖咁入口即化；而北寄貝肉質爽脆肥美，越嚼越香！🌟自助吧自助吧有唔同丸類，包括牛丸、芝士獅子狗卷、台灣腸等等，比較值得推介係芝士獅子狗卷，一咬穿獅子狗卷，流出就係好濃郁既芝士，夠多夠香，食完真係滿足哂我呢個芝士控。🌟飲品區飲品區有3個雪櫃，包括唔同飲品，例如可樂、巨峰提子等等。