百味閣餐廳

營業中

休息中

餐廳走懷舊路線，環境好舒服，服務都唔錯。叫佢地個套餐最抵食，有齊牛筋雜菜湯 或羅宋湯，餐包，甜品同餐飲。牛筋雜菜湯個湯清清地，配上新鮮的雜菜，喝下去暖心又滿足。另外一個係羅宋湯，酸酸甜甜的味道令人耳目一新，開胃！蒜蓉包烘得香脆，外脆內軟，蒜香味十足，搭配湯一齊食，真係無敵美味。芝士焗松露餡豬柳扒伴巴麻腿意大利飯豬柳扒焗得剛剛好，肉質軟腍，芝士的濃郁味道同松露餡完美融合，意大利飯亦都好食。紅酒燴牛臉肉及牛脷伴菠菜飯牛臉肉燉得超軟嫩，紅酒的香氣滲透入肉中，牛脷亦都厚切，搭配菠菜飯，味道層次分明，唔錯。服務員特意比佢哋自家製嘅芥末醬比我地試，個味唔會太刺激，又可去一去膩感。甜品係咖啡布甸滑嫩香甜，咖啡味濃，唔會太甜。之後仲有西瓜同哈密瓜🍈送，滿意嘅一餐。佢哋嘅lunch外賣亦都幾抵食，有機會下次試。