帕維亞意大利餐廳

營業中

休息中

今日嚟九龍城食飯，估唔到除咗泰菜以外都仲有其他選擇，今日就揀咗呢間意大利餐廳食。裝修以橙色牆配昏暗黃燈光為主，佈置都比較簡約。🦞龍蝦濃湯😋龍蝦湯鮮味濃郁，濃稠度適中，加埋忌廉好香滑；飲多兩啖唔會似到黑椒味，少少辣辣地更惹味，好暖胃；仲會有幾粒小龍蝦肉，蝦肉爽口彈牙。燒美國頂級肉眼牛扒🥩👍🏻肉眼扒好厚身好大塊，外層燒到好焦香，內裏顏色粉嫩，熟成度剛好；入口牛味非常香濃，越咬越香濃，脂肪同筋位唔多，肉質結實有咬口又唔會太韌，配上特製香濃嘅紅酒醬汁；配菜嘅薯蓉好幼滑，不過翠玉瓜等蔬菜切得太碎，應該切片香煎會更爽脆。熱咖啡☕️咖啡都幾香，冇酸澀味，奶味唔夠香濃。