初心

營業中

休息中

今日陪男朋友喺附近剪完頭髮之後見到呢邊有間火鍋店好似幾唔錯，一於試試。一入到店入邊，店員就好有禮貌咁招呼我哋，介紹菜式，首先係有多款嘅前菜小食，再食雞煲 有得揀辣度，食完雞煲之後會有刺身拼盤，跟住就到打邊爐環節啦，湯底選擇方面都幾多，而且邊爐配料選擇都幾豐富，雖然唔稱得上好高級，但係已經足夠。小食方面有幾款，取決於當日嘅供應，最鍾意係牛蒡，平時比較少食，好爽，好開胃。首先講吓個雞煲先，因為嗰日有啲熱氣，所以就冇嗌到辣，即使係咁啲雞都好入味炒得好香，同埋唔會越食越鹹，呢個都幾欣賞！如果食唔夠，仲可以encore。之後就到呢個刺身拼盤，整體來講都好新鮮同埋食到鮮甜味，唔錯。跟住就到打邊爐，我哋揀咗養生鍋，有冬瓜粟米杞子，紅棗喺入面，出到嚟個湯底幾鮮甜。湯第一到咗之後海鮮拼盤都跟住到，海鮮種類好多，仲有鮑魚添，蝦都比好多隻！其他配料方面就中規中矩，牛肉同豬肉都唔差。食飽飽之後仲有甜品Tiramisu，總括嚟講呢度嘅價錢唔貴同埋乜都有啲，食完都好滿足。