影片
更多
2025-03-24
490 瀏覽
近來收工後去開呢頭打機多，但有時未食飯，想搵下野食，呢度附近多數都收10點前左右，咁岩今晚未食飯9點左右過到黎，每次路過見到呢間扒房都坐滿人，今日午餐食左車仔麵，想食番餐肉飽滿下，今晚就決定單拖試試。想食得舒服唔怕有根有骨，所以點左鐵板牛柳，7成熟，白湯餐包，另外8元配個意粉。白湯味道可以，唔太濃又唔太稀，水分比唔重，值75分，如果入面有多啲粟米粒就有啲口感，可能我9點都差唔多埋尾。餐包就稍為唔“札實”😂，不過都夠熱夠香，會提供雪條棒搽牛油。牛柳上枱，呢度得兩走汁，黑椒汁或者燒汁，我一向不吃辣或者刺激性嘅食物，所以係燒汁。一淋上去，熱辣辣吱吱聲，佢呢度有紙巾供應所以唔驚啲汁會彈到身。意粉係香草意粉，唔會味道太DRY。7成熟牛柳肉質夠滑，肉汁亦都鎖得好，塊牛柳見到些許血色係面頭，切開非常易，唔會太熟又唔會太生，兩件牛柳都一樣咁靚。薯條有十零條，用扭紋薯條，落左汁之後都唔太淋，有口感。最後食完差唔多，侍應突然奉上啫哩做甜品，我見餐牌本身係冇，但佢每枱客人都會有。如果唔要奶記得同佢地講聲。啫喱正常發揮，唔會係甜品店水準，但絕對唔會失望。杯奶茶稍微茶味偏淡，但水吧落個奶量撞隻茶又岩岩好。總結，
想食得舒服唔怕有根有骨，所以點左鐵板牛柳，7成熟，白湯餐包，另外8元配個意粉。
白湯味道可以，唔太濃又唔太稀，水分比唔重，值75分，如果入面有多啲粟米粒就有啲口感，可能我9點都差唔多埋尾。餐包就稍為唔“札實”😂，不過都夠熱夠香，會提供雪條棒搽牛油。
牛柳上枱，呢度得兩走汁，黑椒汁或者燒汁，我一向不吃辣或者刺激性嘅食物，所以係燒汁。
一淋上去，熱辣辣吱吱聲，佢呢度有紙巾供應所以唔驚啲汁會彈到身。意粉係香草意粉，唔會味道太DRY。
7成熟牛柳肉質夠滑，肉汁亦都鎖得好，塊牛柳見到些許血色係面頭，切開非常易，唔會太熟又唔會太生，兩件牛柳都一樣咁靚。薯條有十零條，用扭紋薯條，落左汁之後都唔太淋，有口感。
最後食完差唔多，侍應突然奉上啫哩做甜品，我見餐牌本身係冇，但佢每枱客人都會有。如果唔要奶記得同佢地講聲。啫喱正常發揮，唔會係甜品店水準，但絕對唔會失望。
杯奶茶稍微茶味偏淡，但水吧落個奶量撞隻茶又岩岩好。
總結，久唔久食一次鐵板回味下係值得，由其係細細個以前去開銅鑼灣某一已結業既老店，想回味下新鮮鐵板上菜淋汁既滋味。至少本人今次兩塊扒絕對對得住個價錢唔會跌錢！👍🏻
PS：記得係有加一服務費，侍應服務都幾好
張貼
