翠華餐廳 (TKO Spot)

營業中

休息中

Item: 翠華餐廳 (TKO Spot)
Rating: 5
Author: 跟我吃

Tsui Wah Restaurant (TKO Spot)

128 食評

味道

環境

服務

衛生

抵食

1186

將軍澳

$51-100

港式無肉餐單茶餐廳/冰室咪嘥嘢食店少鹽少糖食店

資訊:
餐廳:	翠華餐廳 (TKO Spot)

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

資訊:
餐廳:	翠華餐廳 (TKO Spot)

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

跟我吃

等級4

144

好耐冇食過翠華喇！呢日經過翠華，諗起都好多年冇食過，就決定去試下宜家嘅質素點🫣除咗經典嘅茶餐廳嘢食之外，仲推出咗啲創新啲嘅嘢食同飲品，連最近好Hit嘅手打檸檬茶都有得飲🤩神之叉燒飯 $80 （配熱飲）有啲似黯然銷魂飯🐷不過煎蛋變成咗炒蛋，再提升咗一個層次，叉燒用咗腩叉嘅位置，肥瘦啱啱好，肉質軟腍，帶有焦香味😋而炒蛋加入咗蔥花，炒得幾滑，仲有啲半凝固嘅蛋汁，不過講到最搶鏡嘅都係個飯嘅靈魂甜豉油，真係好好餸飯，唔覺意就食晒成碗飯😝咖哩特嫩羊仔扒飯 $130呢個同樣係另一個好吸引嘅菜式，份量好大😳咖喱上面有三大件羊架，每一件煎到啱啱好都唔怕韌😎有適當嘅羊味但唔會好羶，而底下嘅馬來咖喱汁唔會好辣，啲香料好惹味，好啱加埋入意粉/飯一齊食🍝白灼芥蘭苗 $25健康啲叫咗個油菜，係芥蘭苗，所以入口比較嫩🥬墨西哥奶皇包 $11最後仲叫多咗個墨西哥奶皇包，入面嘅奶黃餡偏吉士狀，啱晒啲鍾意食奶皇包嘅人😆

好耐冇食過翠華喇！呢日經過翠華，諗起都好多年冇食過，就決定去試下宜家嘅質素點🫣除咗經典嘅茶餐廳嘢食之外，仲推出咗啲創新啲嘅嘢食同飲品，連最近好Hit嘅手打檸檬茶都有得飲🤩

神之叉燒飯 $80 （配熱飲）
有啲似黯然銷魂飯🐷不過煎蛋變成咗炒蛋，再提升咗一個層次，叉燒用咗腩叉嘅位置，肥瘦啱啱好，肉質軟腍，帶有焦香味😋而炒蛋加入咗蔥花，炒得幾滑，仲有啲半凝固嘅蛋汁，不過講到最搶鏡嘅都係個飯嘅靈魂甜豉油，真係好好餸飯，唔覺意就食晒成碗飯😝

咖哩特嫩羊仔扒飯 $130
呢個同樣係另一個好吸引嘅菜式，份量好大😳咖喱上面有三大件羊架，每一件煎到啱啱好都唔怕韌😎有適當嘅羊味但唔會好羶，而底下嘅馬來咖喱汁唔會好辣，啲香料好惹味，好啱加埋入意粉/飯一齊食🍝

白灼芥蘭苗 $25
健康啲叫咗個油菜，係芥蘭苗，所以入口比較嫩🥬

墨西哥奶皇包 $11
最後仲叫多咗個墨西哥奶皇包，入面嘅奶黃餡偏吉士狀，啱晒啲鍾意食奶皇包嘅人😆