泰中意

營業中

休息中

最近深入大圍覓食，去咗「泰中意」發掘新美食，廚師透過糅合泰、中、意三地美食嘅精髓，製作出其獨有特色而美味嘅Fusion菜，亦取其同音字：太鍾意。*此餐廳收取加一服務費。冬蔭功鮮蝦忌廉意粉（單點$138），鮮蝦肉質爽口，味道鮮甜，冬蔭功忌廉汁口感Creamy，味道酸辣，食落帶點香料味道，意粉口感軟硬適中，容易掛汁，配料包括有蘑菇、車厘茄、紫洋蔥。XO醬豬頸肉炒飯（單點$95），表面鋪有青檸，豬頸肉粒肉質爽彈，食落帶有焦香味道，肉味濃香，配料包括有雞蛋、紫洋蔥、豆角，炒飯飯粒充滿光澤，食落有鑊氣，口感粒粒分明，略嫌食落類似豉油皇炒飯、XO醬味道欠奉。泰式香辣肉碎生菜包（單點$88），免治豬肉碎肉質半肥瘦，食落好Juicy，好足料，內有紫洋蔥、豆角、蝦乾、指天椒、檸檬葉、羅勒葉、九層塔、芫荽，食落好惹味，生菜口感爽脆，配以青檸汁食用，味道更佳。蜜糖青檸梳打（單點$38），味道酸甜，飲落好清爽。