影片
更多
2023-12-31
704 瀏覽
💁♀️💁♂️ 16/12/2023(Sat), Dinner🍽天氣凍凍哋又係打邊爐嘅時候，今次💁♀️為食妙妙、💁A先生帶埋🧑👧小朋友去到大埔嘅616牛肉火鍋專門店，店方主打唔同部位嘅牛肉單價唔高，方便大家試多幾款。店舖唔算太大間，但都坐得舒服闊落，店內牆身上面有壁畫裝飾，仲有幅圖展示返唔同嘅牛肉喺嚟自牛嘅邊個位置。落單方面主要用店方嘅平板電腦，都好方便易用。當晚我哋8點半後入座仲有8折優惠，食落更加抵食。而今晚我地order咗：🔆 鴛鴦麻辣牛骨湯（$82）火鍋🍲當然首先要揀好湯底，我哋就選擇咗鴛鴦湯底，有辣有唔辣，方便小朋友之餘，為食妙妙同A先生就可以食麻辣嗰一邊。牛骨清湯嘅一邊雖然睇落清澈，但都好重牛味；至於麻辣嗰一邊湯底就估唔到麻度同辣度都好足，十分刺激。🔆 日本精選和牛（$48）店方嘅其中一個優惠，就係精選和牛$48一碟，以我哋4人惠顧就可以叫兩碟。雖然就無指明部位，但都有唔錯嘅油花，入口嫩滑。🔆 牛頸脊（$48）、匙柄（$48）、牛駝峰（$48）店方一個好處係每碟牛肉都係$48，份量唔係太大，方便食客可以叫多幾碟或者試吓唔同嘅部位。當晚我哋比較夜去到，所以有啲牛嘅部位都已經賣晒
💁♀️💁♂️ 16/12/2023(Sat), Dinner🍽
天氣凍凍哋又係打邊爐嘅時候，今次💁♀️為食妙妙、💁A先生帶埋🧑👧小朋友去到大埔嘅616牛肉火鍋專門店，店方主打唔同部位嘅牛肉單價唔高，方便大家試多幾款。
店舖唔算太大間，但都坐得舒服闊落，店內牆身上面有壁畫裝飾，仲有幅圖展示返唔同嘅牛肉喺嚟自牛嘅邊個位置。落單方面主要用店方嘅平板電腦，都好方便易用。當晚我哋8點半後入座仲有8折優惠，食落更加抵食。
而今晚我地order咗：
🔆 鴛鴦麻辣牛骨湯（$82）
火鍋🍲當然首先要揀好湯底，我哋就選擇咗鴛鴦湯底，有辣有唔辣，方便小朋友之餘，為食妙妙同A先生就可以食麻辣嗰一邊。牛骨清湯嘅一邊雖然睇落清澈，但都好重牛味；至於麻辣嗰一邊湯底就估唔到麻度同辣度都好足，十分刺激。
🔆 日本精選和牛（$48）
店方嘅其中一個優惠，就係精選和牛$48一碟，以我哋4人惠顧就可以叫兩碟。雖然就無指明部位，但都有唔錯嘅油花，入口嫩滑。
🔆 牛頸脊（$48）、匙柄（$48）、牛駝峰（$48）
店方一個好處係每碟牛肉都係$48，份量唔係太大，方便食客可以叫多幾碟或者試吓唔同嘅部位。當晚我哋比較夜去到，所以有啲牛嘅部位都已經賣晒，除咗優惠嘅和牛之外，我哋都叫咗幾幾個部位嘅牛肉嚟食。每碟上枱都好新鮮，牛肉睇落都係鮮紅色嘅，輕輕淥一淥食落牛味濃郁，肉質嫩滑。
🔆 黃喉（$48）
煮完之後嘅黃喉好爽口，唔係間間餐廳有得叫呢個部位。
🔆 黑豚梅花肉（$68）
除咗牛肉，我哋都有叫其他肉類，呢個黑豚梅花肉係其中一款。薄切嘅黑豚肉肉味唔錯，有啲油花食落唔會好嚡口。
🔆 蟲草花杞子滑雞（$48）
呢個滑雞真係唔錯，煮完都仲保持到滑度，有啲即使煮咗好耐都食落肉質嫩滑而有雞味。
🔆 手打蝦滑（$28）
正正常常足料嘅蝦滑，煮完都彈牙好食。
🔆 蜂巢豆腐（$28）
就好似海綿🧽一樣索湯能力一流，煮完後吸收咗湯汁嘅味道十分入味好食。
🔆 響鈴（$28）
為食妙妙每次必叫嘅響鈴，輕輕淥一下就食。
🔆 粟米🌽（$28）
新鮮爽甜嘅粟米🌽，都係個打邊爐🍲唔錯嘅選擇。
🔆 萵筍（$28）
又係個吸味一流嘅食物，煮過後吸收咗湯汁嘅味道，爽脆好食。
🔆 鮮製手打烏冬（$18）
食完一輪肉類同蔬菜之得，都要叫返啲碳水化合物嚟飽肚嘅，呢個烏冬煮完又滑又彈牙，仲吸收咗湯底嘅味道，食落好好食。
🔆 616原漿-手工啤🍺（$38）
獅子山啤出品，有啤酒花香同帶微微苦澀，配合牛肉食唔會蓋過肉味。
🔆 烏梅汁（$16）
酸酸甜甜好清新開胃。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9/🔟
👉🏻 食材新鮮，每碟牛肉嘅價錢同份量都唔太多，即使人少少都可以試多幾款牛
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 餐廳附近就有唔少錶位🅿️，等一等好快有得泊
👉🏻 太和站或者大埔中心行過嚟都係10分鐘左右路程，交通尚算方便
🔆🔆🔆🔆🔆🔆🔆🔆🔆🔆🔆🔆🔆
張貼
