一品雞煲火鍋

營業中

休息中

上次食唔到雞煲，今次兩條友再去過！兩個人七點walk-in，已經無晒卡位，要坐大枱，當時大台已經有一伙三人，我地諗住隔一個位放野，被人制止左……要坐埋一齊，只係椅之間隔開d。後來仲有兩伙人，即係一張大枱四伙人 (2+2+2+3)，其實張枱係夠大，不過真係坐得唔自在，你眼望我眼咁，壺湯放枱中間，好似二龍爭珠咁。之但係，好生意真係有原因既，因為野食真係十分之好！今次叫左半隻中辣雞煲，好惹味呀！本來開始食都無咩，但辣既後勁好勁，嗜辣如我倆都唔係好頂得順，叫左兩楂竹庶水……d雞好快食晒，覺得應該無半隻……我地之後加湯，叫左烏冬、津白同雲吞水餃拼，二人份量剛剛好~烏冬浸完d湯好好味，夠煙韌；津白好脆好清甜，我好少叫佢打邊爐，原來好夾！原本叫韮菜餃拼水餃，不過無韮菜餃，但雲吞都ok，唔知係咪上次話完佢餡少，今次好飽滿！味道實在好令人回味呀~一定會番兜！不過最後夾夠人坐卡位或者大枱，如果唔係「劏枱」係幾唔舒服的。