影片
更多
2024-08-19
1183 瀏覽
日本餐嘅廚師發辦就聽得多啦，喺沙田帝都酒店玉庭，竟然有中菜嘅廚師發辦呀😍 我梗係要去試吓啦🥰「廚師發辦．鮮味粵饌」8道菜套餐 （$888）由行政總廚尤忠東師傅創意打造，配上時令食材，加上拌、蒸、燴、炸、炆、焗、泡、凍嘅烹調手法，令人回味嘅一餐❤️拌 - 青檸. 蟶子皇. 辣椒蒸熟蟶子之後， 用泰國青檸、洋蔥、魚露、指天椒浸泡，腐竹塗上帶有昆布炸漿炸成脆身，蟶子食落酸酸辣辣嘅感覺，好開胃👍🏻 超適合夏天食😍蒸 - 鮮蚌. 雲南小冬瓜. 瑤柱 迷你冬瓜盅，蒸咗30分鐘，再加入咗蒸熟咗嘅高蟹、瑤柱、絲瓜切粒、夜香花，放入上湯蒸多10分鐘，飲落鮮甜回味🫶🏻燴 - 龍蝦. 拆蟹肉. 豆腐蟹肉蒸蛋，加入豆腐粒，龍蝦加上龍蝦膏，蒸蛋香滑，龍蝦彈牙，再配上豆腐粒，口感超豐富❤️ 炸 - 百香果. 桂花魚. 香茅桂花魚炸得外脆內軟熟，配上酸甜嘅百香果香茅汁，清新提鮮🥰炆 - 東坡肉. 鮑魚. 梅菜皇五花腩切到東坡肉嘅形狀，用梅菜王去燜熟，再配上8頭鮑魚，五花腩入口軟熟即化，一啲都唔油膩，鮑魚彈牙入味👍🏻焗 - 拉絲芝士. 鮮扇貝. 牛油酥大元貝洗乾淨，配上鹿茸菌、洋蔥、拉絲芝士，面頭做咗牛油酥皮，外皮酥脆，
「廚師發辦．鮮味粵饌」8道菜套餐 （$888）
由行政總廚尤忠東師傅創意打造，配上時令食材，加上拌、蒸、燴、炸、炆、焗、泡、凍嘅烹調手法，令人回味嘅一餐❤️
拌 - 青檸. 蟶子皇. 辣椒
蒸熟蟶子之後， 用泰國青檸、洋蔥、魚露、指天椒浸泡，腐竹塗上帶有昆布炸漿炸成脆身，蟶子食落酸酸辣辣嘅感覺，好開胃👍🏻 超適合夏天食😍
蒸 - 鮮蚌. 雲南小冬瓜. 瑤柱
迷你冬瓜盅，蒸咗30分鐘，再加入咗蒸熟咗嘅高蟹、瑤柱、絲瓜切粒、夜香花，放入上湯蒸多10分鐘，飲落鮮甜回味🫶🏻
燴 - 龍蝦. 拆蟹肉. 豆腐
蟹肉蒸蛋，加入豆腐粒，龍蝦加上龍蝦膏，蒸蛋香滑，龍蝦彈牙，再配上豆腐粒，口感超豐富❤️
炸 - 百香果. 桂花魚. 香茅
桂花魚炸得外脆內軟熟，配上酸甜嘅百香果香茅汁，清新提鮮🥰
炆 - 東坡肉. 鮑魚. 梅菜皇
五花腩切到東坡肉嘅形狀，用梅菜王去燜熟，再配上8頭鮑魚，五花腩入口軟熟即化，一啲都唔油膩，鮑魚彈牙入味👍🏻
焗 - 拉絲芝士. 鮮扇貝. 牛油酥
大元貝洗乾淨，配上鹿茸菌、洋蔥、拉絲芝士，面頭做咗牛油酥皮，外皮酥脆，入面芝味十足🫶🏻
泡 - 龍蝦湯. 龍蝦拑. 脆米
龍蝦鉗下面係用米飯炸炸成嘅脆米、帶子同蝦肉粒，再加上用龍蝦殼同龍蝦膏熬成嘅龍蝦湯，味道濃郁，齒頰留香❤️
凍 - 草莓. 鮮淮山. 蜂蜜
一嚟到以為係雪糕，但原來係淮山加忌廉造成雪糕嘅形狀，再加上凍草莓醬，面頭嘅杯都係用白朱古力造成架，所以成個都食得嘅😍
張貼
