更多
2022-11-06
3246 瀏覽
想食啲特別啲嘅嘢，朋友帶我去食黎巴嫩菜。一入門口已經好似進入異國地帶，店入面播住強勁嘅中東風情歌曲。搞到我都想一齊搖擺😂🔸Taste of Shahrazad (💰438pp)~SALAD~▫️ Tabouleh(8/10)呢個沙律好多蕃茜，好多香草。▫️Duryazad Fattoush(8.5/10)呢個比較似平時啲沙律，有羅馬生菜、蕃茄、青瓜、仲有幾塊烤過嘅中東芝麻餅。兩個沙律都嘅醬都酸酸甜甜，好開胃。~ Cold Mezze Selections ~▫️Lebanese Hummus(8.5/10)呢個鷹嘴豆泥加咗中東芝麻醬，再加埋橄欖油同檸檬汁，撈勻之後味道更加突出。用阿拉伯薄麵包點黎食，真係好滋味。▫️Mutable(6.5/10)呢個係煙燻茄子，中東芝麻醬，乳酪加埋橄欖同檸檬汁。不過呢個就冇鷹嘴豆泥咁好食，嗰陣煙燻味有啲似煙灰味…..~ Hot Mezze - Appetizer ~▫️Falafel(8/10)炸素菜鷹嘴豆圓餅，配上鷹嘴豆醬同yogurt，好似印度啲咖喱角咁嘅味道，好香嘅香草味。唔錯👍🏻▫️Makanck(7/10)自家製羊肉香腸，超級羶😖唔係唔好食嘅，不過羶到嚇親
想食啲特別啲嘅嘢，朋友帶我去食黎巴嫩菜。一入門口已經好似進入異國地帶，店入面播住強勁嘅中東風情歌曲。搞到我都想一齊搖擺😂
🔸Taste of Shahrazad (💰438pp)
~SALAD~
▫️ Tabouleh(8/10)
呢個沙律好多蕃茜，好多香草。
▫️Duryazad Fattoush(8.5/10)
呢個比較似平時啲沙律，有羅馬生菜、蕃茄、青瓜、仲有幾塊烤過嘅中東芝麻餅。兩個沙律都嘅醬都酸酸甜甜，好開胃。
~ Cold Mezze Selections ~
▫️Lebanese Hummus(8.5/10)
呢個鷹嘴豆泥加咗中東芝麻醬，再加埋橄欖油同檸檬汁，撈勻之後味道更加突出。用阿拉伯薄麵包點黎食，真係好滋味。
▫️Mutable(6.5/10)
呢個係煙燻茄子，中東芝麻醬，乳酪加埋橄欖同檸檬汁。不過呢個就冇鷹嘴豆泥咁好食，嗰陣煙燻味有啲似煙灰味…..
Hummus
103 瀏覽
5 讚好
0 留言
~ Hot Mezze - Appetizer ~
▫️Falafel(8/10)
炸素菜鷹嘴豆圓餅，配上鷹嘴豆醬同yogurt，好似印度啲咖喱角咁嘅味道，好香嘅香草味。唔錯👍🏻
▫️Makanck(7/10)
自家製羊肉香腸，超級羶😖唔係唔好食嘅，不過羶到嚇親，無咁羶好啲。
~MAIN~
▫️Mashawy(8/10)
其實食到呢度我已經好飽😂呢個係羊牛雞嘅燒肉串，啖啖肉，燒得好香，羊肉無個香腸咁羶。不過人哋個個有個鼎，我都好想要嗰個鼎😅靚啲嘛😜
▫️Faroi Dil Batata (8.5/10)
呢個係燒雞，雞都燒得皮脆肉滑👍🏻仲有兩種醬，薯仔醬同蒜蓉醬。
▫️Mozzah (8.5/10)
慢煮羊脾。呢個羊脾一啲都唔羶呀！朋友話唔羶嘅羊先係靚羊，唔知真唔真😂不過唔羶又真係好食喎！啲肉仲好嫩滑添，果然係慢煮嘅，好入味又好juicy。仲有下面嘅薏米(?)都幾好食喎。
~ Dessert ~
▫️Roz Bil Laban - Lebanese Creamy Rice Pudding (7.5/10)
黎巴嫩嘅米布甸，好特別呀！好creamy，啲米又好煙韌。
呢晚真係食咗好多嘢，呢個tasting menu應該都試咗好多signature dish。不過其實散叫都ok，不過記得要叫嗰個鼎😂
服務方面就真係要扣分。啲侍應成日整跌嘢🫣問佢嘢又好似唔多想答咁🫣仲有佢哋嘅笑容比較少。坐位方面，我地坐嘅枱比較矮，雖然靚啲，但坐得耐就較辛苦，因為隻腳伸唔長。仲有有一個餐前小碟，嗰啲醃蘿蔔真係有啲難食🫣
呢度嘅環境同氣氛又的確唔錯，上甜品時仲有幾個店員一齊拎個米布甸出嚟唱生日歌添🫶🏻當晚有幾枱客人都生日，大家都趁生日試食下特別嘅菜式！生日仲會影一張即影即有，為你留下美好回憶🧡想試啲特別嘢嘅話，呢度真係一個不錯嘅選擇呀！
Overall評分: 8.5/10👍🏻
張貼
