令酒場 (已結業)

Weekend約咗朋友去中環食飯，去咗一間平日lunch好多人排隊嘅日式料理。我哋叫咗兩份午餐，午餐包括湯、沙律、前菜、主菜同兩款串燒，性價比好高非常抵食👍🏻-海膽帆立貝丼帆立貝好大粒份量都幾多，最緊要係好新鮮鮮甜。海膽都好足料，食落味道清甜，入口即溶，非常滿足。呢份餐配咗大蒽雞肉同甜薯兩款串燒，兩款都燒得好香，特別係雞肉好嫩滑好惹味👍🏻-角切魚生丼入邊有多種刺身，非常豐富而且魚肉好厚肉，雖然係角切但食得出好新鮮，鍾意食魚生嘅朋友一定唔好錯過～-安格斯牛粒串牛肉好厚肉但一啲都唔鞋，食落好有牛肉味，燒得好香口，非常推薦👍🏻-日本免治雞肉串雞肉串用雞肉同埋軟骨製成，識落非常有口感層次豐富，燒得好香好惹味，配埋蛋黃一齊食又香又滑。-吉列車海老大蝦好大隻，炸得香脆可口，炸粉唔係太厚剛剛好，一啲都唔會覺得油膩。-吉列廣島蠔炸蠔真係好抵食，每隻都大大隻，仲有五隻咁多。同樣都係新鮮炸起好香脆，一啲都唔油膩。-忌廉蟹肉薯餅佢哋嘅咋嘛真係唔錯，所以我哋又加多一份炸薯餅。裡面薯蓉好軟滑，外脆內軟，令人食唔停口。