影片
更多
2024-04-26
43 瀏覽
。最近喺網上見到有一間點心好靚嘅飲茶舖頭，於是今日約咗朋友嚟上環試吓佢😋 見到隔籬枱啲點心真係勁吸引呀 小編真係好鍾意飲茶㗎🙈-佢哋嘅招牌就係<睇住流奶> 係奶皇包，個外貌真係好精緻 真係要試吓佢係咪真係夠流，嘩 真係超級流心呀 奶黃味道香濃 綿滑👍🏻好好食呀 果然係招牌之一😋-第二款叫咗一籠八戒 入面係叉燒包 佢嘅餡料非常之豐富，肥瘦適中 當然最吸目嘅係佢哋嘅外貌成個豬仔咁嘅 真係非常之可愛啊，-第三款我哋叫咗椰皇燉老雞 估唔到勁重椰香味個湯好好飲 而且個雞肉非常之嫩滑 入面仲有紅棗非常之滋潤呀 -第四款鴿吞鳳梨 係一籠鳳梨酥 佢嘅外皮酥脆入面嘅餡甜甜地 不過略嫌有少少甜得滯 如果冇咁甜/或者有少少酸味個人比較鍾意🙈 但係打卡影相真係100分😍-第五款魚香茄子春卷 第一次食魚香茄子嘅春卷 覺得好特別啊 鹹鹹地幾香口啊 呢個配搭都唔錯喎👍🏻-第六款我哋叫咗鳳梨咕嚕肉個菠蘿切得好靚 咕嚕肉炸得好酥脆 個汁甜甜地好開胃 而且咬落仲好Juicy啊 最鍾意嘅就係佢啲肉唔肥啱啱好👍🏻-第七款櫻花蝦燒賣 熱辣辣上枱 面頭佈滿櫻花蝦入面係豬肉餡 好好食呀 我真係勁鍾意食燒賣好耐未食過
最近喺網上見到有一間點心好靚嘅飲茶舖頭，
於是今日約咗朋友嚟上環試吓佢😋 見到隔籬枱啲點心真係勁吸引呀 小編真係好鍾意飲茶㗎🙈
-
佢哋嘅招牌就係<睇住流奶> 係奶皇包，
個外貌真係好精緻 真係要試吓佢係咪真係夠流，
嘩 真係超級流心呀 奶黃味道香濃 綿滑👍🏻
好好食呀 果然係招牌之一😋
-
第二款叫咗一籠八戒 入面係叉燒包 佢嘅餡料非常之豐富，肥瘦適中 當然最吸目嘅係佢哋嘅外貌成個豬仔咁嘅 真係非常之可愛啊，
-
第三款我哋叫咗椰皇燉老雞 估唔到勁重椰香味
個湯好好飲 而且個雞肉非常之嫩滑 入面仲有紅棗
非常之滋潤呀
-
第四款鴿吞鳳梨 係一籠鳳梨酥 佢嘅外皮酥脆
入面嘅餡甜甜地 不過略嫌有少少甜得滯 如果冇咁甜/或者有少少酸味個人比較鍾意🙈 但係打卡影相真係100分😍
-
第五款魚香茄子春卷 第一次食魚香茄子嘅春卷 覺得好特別啊 鹹鹹地幾香口啊 呢個配搭都唔錯喎👍🏻
-
第六款我哋叫咗鳳梨咕嚕肉
個菠蘿切得好靚 咕嚕肉炸得好酥脆 個汁甜甜地好開胃 而且咬落仲好Juicy啊 最鍾意嘅就係佢啲肉唔肥啱啱好👍🏻
-
第七款櫻花蝦燒賣 熱辣辣上枱 面頭佈滿櫻花蝦
入面係豬肉餡 好好食呀 我真係勁鍾意食燒賣
好耐未食過咁好食嘅燒賣啦 入面勁足料啊👍🏻
-
第八款芒果布甸 🍮 口感好綿滑 芒果味道勁重
而且芒果係勁甜呀 好好食❤️
-
佢哋唔單止外觀精緻 而且點心嘅味道亦都好好食呀😋😋 下次再約朋友過嚟encore先得呀👍🏻
-
張貼
