越僑

營業中

休息中

食店位置喺一條橫巷，如果唔係喺呢區返工，其實好難會發現呢間小店，雖然地點唔係喺大街，但完全無影響佢既人氣，中午時間就會見到舖外有好多人等緊位，等外賣既人都好多(⁎⁍̴̛ᴗ⁍̴̛⁎)餐牌選擇都唔少，而且星期一至五都有唔同嘅精選菜式。本身我係PHO嘅粉絲，所以我就揀左個越南湯河。\ 🍜越式四牛湯河 ($58) /職員上菜嘅時候會跟埋一兜辣椒🌶️同青檸，可以自行選擇加唔加。碗PHO既份量好大，四牛🐮包括生牛肉、熟牛肉、牛柏葉同牛丸，配料仲有大大舊蘿蔔，熟牛肉似薄切牛腩，肉質軟腍有牛味，其餘三款就一般。至於湯底，可能本身我對越南河粉既要求比較高，我就覺得佢個湯底比較單調，同正宗PHO有出入🙈🙈當日見到對面嘅食客點咗乾炒牛河，好似好吸咁，而且食到一條都無剩，鐘意濃味嘅可以一試～😋環境黎講，座位比較迫，繁忙時間一定要搭檯，可能餐廳比較有歷史，所以衛生程度一般，但食品份量確實係多，價錢平，所以深受上班一族既喜愛。