最近鬼佬朋友番左黎香港，我緊係要帶佢去食中菜啦😛落地玻璃既設計，望到中環既無敵大海景🧜♂️餐廳仲具有酒吧既設計🍸成個感覺好高級
.
🐟川粵龍躉 $435
龍躉啲肉十分彈同滑❗️湯底係奶白色既魚湯，第一下飲到魚湯既鮮甜😚再飲到辣味，十分暖胃😇成個煮法感覺有啲似酸菜魚
.
🐮蔥爆牛肉 $195
京蔥爆香然後落牛肉快炒，食落一啲都唔老，好快就清晒一碟
2
.
🦆香酥鴨 $195
估唔到依啲懷舊菜可以係到食☺️薄薄一層既炸粉包住啲鴨肉，食落香脆，啲粉又唔會話好厚，肉質仲保留住鴨肉既油香💯
.
🫛乾偏茶樹菇 $135
炒茶樹菇真係第一次見，忍唔住叫左黎試下☺️炒得好乾身，配上肉粒，食落有少少辣🌶️但依個餸菜送飯一流
.
🐜螞蟻上樹 $105
依到既螞蟻上樹用既係薯粉，出面用咗開既係粉絲😂食落好彈牙，配料用上超多既肉碎粒，越食越惹咪
