這間樓上餐廳，主打正宗大阪燒，由幾位日藉廚師主理，上周末難得可以約到朋友一齊去食，還有幸可以被安排到鐵板燒吧枱，可以親眼欣賞師傅烹調🥘🤩
大阪燒款式好多，而且可以自由揀餡料。 最近亦有期間限定蠔🦪大阪燒 $148
蠔有好多隻，而且非常肥美鮮味，大阪燒煎至外層香脆，裡面有椰菜，及兩大件豚肉，加上滿滿的醬汁，香蔥，味道香濃
另外午市套餐都好抵食，由$98起，而且即席烹調，我點的和牛壽喜燒重定食 $198，薄牛肉嫩滑，醬汁香又帶甜，伴日本飯更好味
關東煮🍢，熱騰騰🔥 湯底甘甜，蘿蔔、蒟蒻、炸豆腐、薯仔、獅子狗都吸收了湯，相當入味
