影片
更多
2023-02-23
170 瀏覽
位於中環站附近的Spiga, 地理位置極佳一出地鐵站行幾分鐘就到餐廳裝修高貴華麗，環境清幽，好適合浪漫聚會入邊仲有透明玻璃可以望到廚師烹煮過程前菜：Polpo agli agrumi (Seared Octopus)烤八爪魚以前喺西班牙餐廳都食過今次稍有驚喜🤩🤩八爪魚用類似慢煮方式煮稔然後烤焗，烤到面頭甚至有少少脆口但又唔會燒焦裡面勁稔勁juicy 保留左海鮮既鮮味 平時食燒烤都係燒香配濃味醬汁 呢道菜醬汁就用左酸果類調製更加突出左八爪魚既鮮甜😎主菜：Pappardelle al ragu di guancia (Pappardelle beef cheek)正如某位食家講: 愈簡單既菜式愈睇到餐廳功夫 所以每去到意大利餐廳我都會叫一客Pasta (個人喜好haha)今次既寬麵係餐廳自家製，比較稔身似Ravioli肉醬方面採用牛面肉，用炆燉方式煮稔煮爛 肉味十足👍👍醬汁掛面唔需要任何額外調味/香料肉醬同埋麵，兩者既結合可以話係完美﹗Astice , Ceci e tartufo (Lobster, chickpeas & Truffle Canadian Lobster , chick
位於中環站附近的Spiga, 地理位置極佳
一出地鐵站行幾分鐘就到
餐廳裝修高貴華麗，環境清幽，好適合浪漫聚會
入邊仲有透明玻璃可以望到廚師烹煮過程
前菜：
Polpo agli agrumi (Seared Octopus)
烤八爪魚以前喺西班牙餐廳都食過
今次稍有驚喜🤩🤩
八爪魚用類似慢煮方式煮稔
然後烤焗，烤到面頭甚至有少少脆口但又唔會燒焦
裡面勁稔勁juicy 保留左海鮮既鮮味
平時食燒烤都係燒香配濃味醬汁
呢道菜醬汁就用左酸果類調製
更加突出左八爪魚既鮮甜😎
主菜：
Pappardelle al ragu di guancia (Pappardelle beef cheek)
正如某位食家講: 愈簡單既菜式愈睇到餐廳功夫
所以每去到意大利餐廳我都會叫一客Pasta (個人喜好haha)
今次既寬麵係餐廳自家製，比較稔身似Ravioli
肉醬方面採用牛面肉，用炆燉方式煮稔煮爛 肉味十足👍👍醬汁掛面
唔需要任何額外調味/香料
肉醬同埋麵，兩者既結合可以話係完美﹗
Astice , Ceci e tartufo (Lobster, chickpeas & Truffle Canadian Lobster , chickpeas, fresh Italian truffle)
龍蝦起肉配鷹嘴豆+鮮黑松露
龍蝦起肉走殼非常方便我保持儀態咁食
簡單咁煮熟又保持到原有既鮮味
係完全品嘗食材鮮味既一道菜
建議由上至下咁食
首先係松露同埋青菜 (疑似係冰菜非常juicy) 然後最後食到龍蝦沾上龍蝦汁
咁就可以真正試到食材既原汁原味
甜品：
Tiramisu
見到好多枱都有叫Tiramisu作為結尾甜品
應該係餐廳招牌菜
同平時食開嘅好唔同
外層係白色脆皮朱古力包住
味道唔會太甜，呢個做法都幾特別幾有心思
張貼
