Feast Oyster Bar and Restaurant (已結業)

餐廳：Feast Oyster Bar and Restaurant地點：中環域多利皇后街菜式：西式蠔吧餐牌：有蠔，亦有開胃菜，前菜，沙律，湯，海鮮，肉類，意大利飯，意大利粉，薄餅，甜品。生蠔一打 $298 另加一黎得蠔吧，當然要食生蠔。叫左生蠔一打。生蠔係日本真牡蠣，賣相不俗，冰鎮上枱。服務員提議食之前倒一倒海水先，食完殼可以放下層。我覺得呢款生蠔質感較散，味道唔重海水味。配有自家製雞尾酒汁同檸檬。有少少自家製雞尾酒汁提味都幾唔錯。Vinas Bajas $308 另加一叫左支白酒。白酒係來自西班牙，用冰桶陣住。非常易入口，唔會啃，好適合女仕飲。飲完自己個杯，服務員會幫手斟酒。經典威靈頓牛柳 $388 另加一真心鍾意食威靈頓牛柳，自己喺屋企基本上唔會整到。好快就有得食啦！主角威靈頓牛柳係一個包咁，薄薄脆口酥皮包住唔少鵝肝醬，入面就係牛柳，服務員建議5成熟。食落外脆內淋，而帶鵝肝醬鹹香，伴有紅酒燒汁，我覺得本身已經夠鹹。牛柳好淋，夠嫩口。伴有烤連皮薯仔四件，好多條烤長豆，車厘茄，粟米芯兩條，菇片兩片同原個蒜頭，蔬菜好豐富。餐廳環境氣氛浪漫，適合二人世界。