八味客棧

營業中

休息中

找新中式餐廳，看過其環境相片有feel-中式。去到要等約15-30分，就在外面酒店大堂坐低看機。終於等到2人枱，茶壼好重手紫沙茶壼色， 雕龍 身鳳頂蓋， 荷葉型狀碗碟<如有隻青蛙， 蜻蜓，效果更佳 >，全套擺設，配合客棧概念，加上歷史文物擺件，飲茶之外多一分情趣。侍應先送上貝殼花中式首飾盒，藏一件蛋花酥，脆脆，鬆化，富蛋味，即蛋卷用另一狀態出現， 免費送。五福臨門蒸飯$148， 放潤腸臘腸，炸芋頭粒 ，炸午餐肉粒， 鹹蛋黃碎在飯面， 用荷葉盛載上， 以為係包主蒸，飯冇乜荷葉味，但好有特色，一啲都唔油膩， 午餐肉太細粒同炸得乾，下面盆有水及熱石，保持熱度，發現新大陸。魚肚雞扎$46， 材料新鮮， 魚肚厚身大件，唔會太鹹，好健康。北方餃子$78， 皮爽滑， 肉鮮甜 飽滿。老佛爺杏仁茶$52，等15分？有寄望，以此價不值片，量少兼唔係好熱，一般，加咗似百福豆腐花，微凍，個人不喜歡。等位時，在接待處，取$38coupon，埋單要等下次用。我一直有idea開間中式cafe，有人實現咗！