Nebraska Member of Louis Steak House (已結業)

成日經過都冇機會入去幫襯，難得有個中午可以慢慢食，我點幾兩點先到，入面得返三四枱客，坐窗邊望住街景感覺寧靜舒服，招呼亦都幾好。湯同麵包都算唔錯，我點咗 Sirloin steak 要黑椒汁，由於我好喜歡食澱粉質，見到薯仔就食咗先，點知第一塊係唔熱嘅，總共七八塊有熱有凍有暖，其實味道好好，不過溫度扣分。Steak 係幾好味，我牙痛都食到，但又唔係啲好淋嘅肉，有啲𡁻口同埋有肉汁，份量唔細，黑椒汁都幾惹味！飲埋咖啡，十分滿足嘅一餐！