峰壽司魚屋

營業中

休息中

今日要過荃廣，又突然想食壽司🍣，咁就去峰壽司頂一頂癮先啦~峰壽司有多款午市套餐供選擇，價錢都頗相宜。😉午市套餐 B SET 壽司盛：8件壽司🍣都算新鮮，三文魚🐟好肥美，可惜鰻魚汁唔夠，飛魚子有微微鹹鮮味，口感清脆，油甘魚🐟反而無咩味，海老🦐味道鮮甜，但海螺🐚就唔太新鮮。天婦羅手卷件炸蝦🍤整得好酥脆。飯🍙入面嘅醋味適中，飯團夾起無散開。🥗最陰公係沙律，粟米🌽無味無道，罐頭粟米都不如。總結：如果怕唔夠飽可+$18加碗拉麵或烏冬🍜，另外亦可+$7加飲品🥤。中價位壽司🍣不過不失，加上坐得舒服，算係一個唔錯嘅選擇。