AMMO

營業中

休息中

我和老公揀左restaurant week的dinner set，頭盤北海道帶子和脆鷄皮還算ok，但老實說只要帶子靚，試過自己整都會好味，老公揀左另一個烏魚頭盤，勁難食！主菜揀了鴨腿配紅酒意大利飯，鴨腿完全無味，意大利飯ok，公老揀左慢煮豬肉，豬肉完全無味，浄係靠D汁嘅味，仲差過食兩舊憢肉，甜品揀左南瓜芝士蛋糕配薑味雪糕，雪糕味道特別，而且幾滑，但芝士蛋糕完全食唔出南瓜味，最後叫左餐茶咖啡，成餐飯最ok。總之成個dinner set得頭盤帶子和杯咖啡ok，鴨無鴨味，豬冇豬味，用料唔夠好，烹調技巧非常一般，煮出嚟嘅嘢味道完全無層次，雖然每位$398唔算貴，但相信呢個價錢喺香港好多其他餐廳可以食到更高質、更好味的，真係唔知點解會成為restaurant week嘅贏家餐廳之一，非常失望嘅一餐，中左伏，強烈不推薦大家試呢間餐廳，唔清楚呢間餐廳開左幾耐，但如果食物一直都係呢個質素，而且位置較偏僻，純粹靠環境好，相信好快會執笠！