劉興記生煎包專門店

營業中

休息中

餐廳：劉興記生煎包專門店 地點：上環永樂街 菜式：上海菜 餐牌：生煎包類、新品推介、菜飯、湯麵、拌麵、蟹粉、小食、涼拌、湯丸、小籠包、飲品，都有人氣熱賣皇牌套餐。落單掃QR code。人氣熱賣皇牌套餐可以選擇唔同配搭加唔同數量生煎包。麻醬手撕雞絲粉皮 + 生煎包1隻 $54生煎包生煎包熱辣辣上枱！一咬入去就爆汁，而個湯唔會太油，啲肉都鮮，份量唔少。個底好脆，面頭灑上蔥花同黑芝麻粒。可以加枱上面黑醋食，更好味又可降溫。麻醬手撕雞絲粉皮今日我同同行友人都想食清淡啲，麻醬手撕雞絲粉皮好大碗。粉皮份量最多，質素正常。加有幼條青瓜絲同粗雞絲，面頭灑上白芝麻粒。叫左麻醬另上，自己加最好。皇牌套餐奉送豆漿一杯。豆漿用茶杯裝，係凍嘅，都幾好飲。生炸雞扒  $25生炸雞扒一開6件連皮，炸得外脆內嫩，肉都夠厚。面頭加有少少炸菜。袐製上海炸排骨 $25袐製上海炸排骨一開6件，炸得外脆內嫩，肉都好厚，好香口。可以加枱上豬扒汁更惹味。總括而言，呢度生煎包多汁又脆底，其他食物質素都唔錯。店舖裝修光猛，座位正常，中上環黎講好抵食。