俏鳳凰

營業中

休息中

見到負評都不少，未食之前係用以身示伏嘅心態，諗住幾廿蚊就算啦，你都其實$60.1個牛肉粉感覺同譚仔差唔多，不過個湯嘅味道係幾特別嘅佢有啲微酸微辣幾開胃，牛肉又唔係啲人講到咁少，同埋都係用咗5分鐘就整完喇，有冇啲人講到話要等好耐喎。牛肉係用嗰啲普通火鍋嘅美國牛肉，冇乜牛肉味，不過用呢個價錢我都冇期望過啲乜嘢。粉嘅份量係幾多但我覺得唔夠彈牙。手打檸檬茶有驚喜， $18一杯唔差得過出邊嘅茶飲專門店，整體嚟講都想幫佢平反一下，我覺得食完未必好有衝動短時間再嚟過，但未至於想被負評佢如果牛肉可以質素高一點嘅就會再好啲