Le Viet

同朋友嚟尖沙咀行街，驚夜晚冇位預先喺OpenRice book定呢一間喺The One嘅Le Viet，食嗰越南菜dinner。我哋兩個人先叫咗個鮮蝦米紙卷填下肚，味道同我之前喺越南食嘅差唔多，唔錯！主菜方面，我哋叫咗手撕雞扎肉湯粉同海鮮炒檬粉。手撕雞扎肉湯粉既味道不過不失，同平時既差唔多，餐廳亦都好貼心咁附上青檸同辣椒粒。海鮮炒檬粉面質乾身，唔會一pat pat，帶有少少辣味，不過整體上味道頗淡，同價錢相比唔算多海鮮。另外叫咗青檸梳打，附有來自泰國嘅梳打水，加埋青檸感覺好清新，朋友幾鍾意飲，可惜唔係我鍾意嘅味道。