影片
更多
2019-01-24
291 瀏覽
呢間台灣牛肉麵喺元朗新開半年左右，見唔使排隊所以決定一試~ 朋友叫咗紅燒牛肉麵(有牛腱同牛肚)，我就叫咗蔥油乾拌麵﹑手工肉燥茄子同燙青菜，仲有菠蘿青檸梳打。 紅燒牛肉麵另外有一小壼牛骨湯，味道清甜﹐店員話係食麵之前可以飲咗先。牛骨湯就咁飲已經唔錯，倒落麵當湯麵反而味道一般。牛腱同牛肚仲有配菜紅蘿蔔都非常入味，係水準以上。牛腱厚切好大塊呀，上枱嗰陣我同朋友都嚇一跳哈哈！蔥油乾拌麵係由台灣入口的手工日曬麵，醬油同蔥油好夾，麵質相當有口感，每一條都掛滿蔥油汁。如此簡單的一碗麵﹐只有蔥油﹑青蔥碎同麵但已經好好味，simple is the best。燙青菜用咗台灣甜醬油，比香港的濃﹐配上烚通菜剛剛好。$15，抵食！ 手工肉燥茄子的肉燥有腩肉同冬菇，兩款都切到大大粒，食起上來好有口感。茄子係即炸，裡外都好熱，用來索汁一流！菠蘿青檸梳打個人覺得偏甜﹐應該係用菠蘿果醬加梳打水沖，而兩片青檸係另外加上去﹐所以酸味欠奉。食物賣相簡單而好精緻﹐用料有堅持，謝謝廚師的細心。店員好好禮貌，每次食物上枱都會介紹食物。呢啲小店買少見少，大家有機會要支持下。 題外話，餐廳比較細，坐位之間會相對逼，如果可以喺每個位
呢間台灣牛肉麵喺元朗新開半年左右，見唔使排隊所以決定一試~ 朋友叫咗紅燒牛肉麵(有牛腱同牛肚)，我就叫咗蔥油乾拌麵﹑手工肉燥茄子同燙青菜，仲有菠蘿青檸梳打。
紅燒牛肉麵另外有一小壼牛骨湯，味道清甜﹐店員話係食麵之前可以飲咗先。牛骨湯就咁飲已經唔錯，倒落麵當湯麵反而味道一般。牛腱同牛肚仲有配菜紅蘿蔔都非常入味，係水準以上。牛腱厚切好大塊呀，上枱嗰陣我同朋友都嚇一跳哈哈！
蔥油乾拌麵係由台灣入口的手工日曬麵，醬油同蔥油好夾，麵質相當有口感，每一條都掛滿蔥油汁。如此簡單的一碗麵﹐只有蔥油﹑青蔥碎同麵但已經好好味，simple is the best。
燙青菜用咗台灣甜醬油，比香港的濃﹐配上烚通菜剛剛好。$15，抵食！
手工肉燥茄子的肉燥有腩肉同冬菇，兩款都切到大大粒，食起上來好有口感。茄子係即炸，裡外都好熱，用來索汁一流！
菠蘿青檸梳打個人覺得偏甜﹐應該係用菠蘿果醬加梳打水沖，而兩片青檸係另外加上去﹐所以酸味欠奉。
食物賣相簡單而好精緻﹐用料有堅持，謝謝廚師的細心。店員好好禮貌，每次食物上枱都會介紹食物。呢啲小店買少見少，大家有機會要支持下。
題外話，餐廳比較細，坐位之間會相對逼，如果可以喺每個位下面加個籃畀顧客放手袋就好。
張貼
