影片
更多
2022-05-07
78 瀏覽
疫情好轉，終於蒲頭，可以出去下晚飯。所以，今晚就要食餐好既。立食壽司唔係第一次食，立鮨呢間壽司店都唔係第一次，不過荃灣呢間就係第一次食。既然要食餐好，就一於叫哂想食既想試既壽司，食到飽一飽先走。先黎個迷你海膽特盛同迷你三文魚籽飯。三文魚籽既量真係唔算迷你，一大堆咁鋪滿飯面。佢地既三文籽係有佢地立鮨獨特既味道，因為一食就諗起之前喺尖沙咀度食既果次既味。比起咸口，佢係咸得黎偏甜，而且有淡淡柚子香。而且粒粒分明之外，魚籽既脆度都比一般既脆，每粒都真係脆卜卜。至於迷你海膽特盛，相比起三文魚籽真係貴精不貴多，不過咁亦都好正常。海膽新鮮而且偏淡黃色，冇咩腥味。味道唔算好濃，但都有海膽既鮮甜味。火炙壽司不嬲都係我地既愛吃款，所以就整個嚴選火炙壽司盛合。盛合有我地最愛，油脂甘香既左口魚裙邊、鮮甜既帶子、同樣鮮甜又啖啖肉既蟹腳、仲有三文魚同吞拿魚腩。喺師傅準備火炙壽司果陣，用火槍加熱食材同醬汁既味香味同埋溶化既油脂既香味充滿住成間壽司店。同火炙盛合一齊上既仲有我地點既幾款壽司。有原隻活赤貝赤貝壽司、劍魚腩壽司、芝士飛魚籽籽軍艦同埋仲另加左火炙白烏賊壽司同火炙三文魚壽司。赤貝可能大部人食開既係就咁橙色一塊
立食壽司唔係第一次食，立鮨呢間壽司店都唔係第一次，不過荃灣呢間就係第一次食。既然要食餐好，就一於叫哂想食既想試既壽司，食到飽一飽先走。
先黎個迷你海膽特盛同迷你三文魚籽飯。
三文魚籽既量真係唔算迷你，一大堆咁鋪滿飯面。佢地既三文籽係有佢地立鮨獨特既味道，因為一食就諗起之前喺尖沙咀度食既果次既味。比起咸口，佢係咸得黎偏甜，而且有淡淡柚子香。而且粒粒分明之外，魚籽既脆度都比一般既脆，每粒都真係脆卜卜。
至於迷你海膽特盛，相比起三文魚籽真係貴精不貴多，不過咁亦都好正常。海膽新鮮而且偏淡黃色，冇咩腥味。味道唔算好濃，但都有海膽既鮮甜味。
火炙壽司不嬲都係我地既愛吃款，所以就整個嚴選火炙壽司盛合。盛合有我地最愛，油脂甘香既左口魚裙邊、鮮甜既帶子、同樣鮮甜又啖啖肉既蟹腳、仲有三文魚同吞拿魚腩。喺師傅準備火炙壽司果陣，用火槍加熱食材同醬汁既味香味同埋溶化既油脂既香味充滿住成間壽司店。
同火炙盛合一齊上既仲有我地點既幾款壽司。有原隻活赤貝赤貝壽司、劍魚腩壽司、芝士飛魚籽籽軍艦同埋仲另加左火炙白烏賊壽司同火炙三文魚壽司。赤貝可能大部人食開既係就咁橙色一塊既貝肉，但其實新鮮既赤貝又爽又鮮甜，係貝類入面既高級品。呢度既赤貝壽司雖然冇埋條裙邊，但貝肉都係好爽又甜，非常唔錯。劍魚腩亦都比平時食開既黎得新鮮同大塊。白烏賊經過火炙之後，黏口感少左，肉又會實少少。平時都唔多會食烏賊既我，都覺得自己心血來潮既選擇係冇揀錯，呢件壽司係比想像中更好食。
跟住我地再追加左三款壽司同炸軟殼蟹配山葵沙律醬。三款壽司有鰻魚壽司、珍寶赤蝦同埋火炙牛油赤蝦。
赤蝦同其他魚生一樣夠新鮮，爽口得黎有生蝦肉既黏口感同鮮甜。鰻魚雖然比較多細骨，但比急凍街貨既鰻魚更有魚香味。牛油赤蝦用左蒜蓉牛油醬調味，除左每香味更上層樓，更特顯到蝦肉既鮮甜。
軟殼蟹炸得夠酥脆，而且份量唔少得黎，個蟹身唔算大隻。唔大隻代表佢既殼唔會過硬、唔會食完仲有d殼好似膠片咁喺口度咬唔爛。蟹腳酥脆，蟹身亦都冇唔新鮮既味，加上個沙律醬，呢個小食送酒一流。
接住係師傳推薦俾我地既伊佐木壽司。呢款魚身經過師傅處理，連皮上好似有d得人驚，但食落唔會特別腥或者有咩怪口感。而且魚皮帶爽，魚肉清淡得黎有陣陣香味，冇筋之餘，仲食到淡淡既柚子香。白身魚既魚生其實都食唔少，海鮮魚類眾多，總有未試過既魚生值得試下。由其經過師傅悉心處理，用柚子皮提香，更加係錦上添花。
最後仲有師傅為我地親手遞上既蔥鹽燒大拖羅紫菜包。大拖羅火炙完，油脂溶化、面一層肉質變實，比較全生，口感同香味都更加特出。師傅一整好就遞俾我地，魚肉、魚既油脂、師傅既調味、入口卜卜脆紫菜再加上壽司飯，成件壽司演繹左咩係味道既調和。
有位坐，款式多樣，壽司師傅會向客人推介壽司，荃灣呢間立鮨已經唔係淨係企喺度食壽司、飲啤酒、飲清酒既一般立食壽司店，而係已經係一間質素相當唔錯，可以慢慢享受刺身同壽司既壽司店。
張貼
