影片
更多
2020-10-24
678 瀏覽
Café Causette唔知依排大家有無去Staycation呢? 自從疫情開始之後，無得再去搭飛機、去旅行，好多人都選擇留喺香港消費，欣賞下香港嘅美麗，我地都唔例外，今次選擇咗喺文華東方酒店訓返晚，感受下旅行嘅感覺。.依個Package包兩餐飯🍽，分別係入住當晚嘅晚餐同第二朝早餐，可以選擇In-room Dining或者到閣樓嘅Cafe Causette度食。但文華東方嘅五星服務👩🏻💼出晒名，我地梗係揀去餐廳享受下啦！上網Book咗房間之後，好快已經有人send email 聯絡我哋，仲可以睇定有咩Course可以揀。.Appetizer or Soup文華龍蝦湯 🦞 Lobster Bisque tarragon, cream前菜我地就揀咗一個湯、一個沙律Share嚟食，落單時同侍應講好咗，上菜時佢已經細心咁幫我地分咗湯，果然係五星級嘅服務。湯可以選擇龍蝦湯同黑松露蘑菇湯，但多數人見到＂文華＂依兩個字都應該會揀依個招牌龍蝦湯，就睇下佢有咩咁特別啦！.其實我地之前試過唔少餐廳嘅龍蝦湯，甚至自己買法國嘅濃縮龍蝦湯返嚟煮，但總係覺得太鹹唔啱口味，有啲仲會有啲腥臭味。但話晒都叫文華龍蝦
唔知依排大家有無去Staycation呢? 自從疫情開始之後，無得再去搭飛機、去旅行，好多人都選擇留喺香港消費，欣賞下香港嘅美麗，我地都唔例外，今次選擇咗喺文華東方酒店訓返晚，感受下旅行嘅感覺。
.
依個Package包兩餐飯🍽，分別係入住當晚嘅晚餐同第二朝早餐，可以選擇In-room Dining或者到閣樓嘅Cafe Causette度食。但文華東方嘅五星服務👩🏻💼出晒名，我地梗係揀去餐廳享受下啦！上網Book咗房間之後，好快已經有人send email 聯絡我哋，仲可以睇定有咩Course可以揀。
.
Appetizer or Soup
文華龍蝦湯 🦞 Lobster Bisque tarragon, cream
前菜我地就揀咗一個湯、一個沙律Share嚟食，落單時同侍應講好咗，上菜時佢已經細心咁幫我地分咗湯，果然係五星級嘅服務。湯可以選擇龍蝦湯同黑松露蘑菇湯，但多數人見到＂文華＂依兩個字都應該會揀依個招牌龍蝦湯，就睇下佢有咩咁特別啦！
.
其實我地之前試過唔少餐廳嘅龍蝦湯，甚至自己買法國嘅濃縮龍蝦湯返嚟煮，但總係覺得太鹹唔啱口味，有啲仲會有啲腥臭味。但話晒都叫文華龍蝦湯，點會好似出面個啲咁呢？佢地嘅龍蝦湯濃郁得嚟又有鮮味，質感幼滑，入面仲有唔少龍蝦肉，雖然比較細粒，但飲到尾都仲有。不過👨🏽就寧願佢俾大粒啲，就算得一兩粒都好，但👩🏻就鍾意細細粒，啖啖肉！如果食剩啲麵包，仲可以用麵包蘸埋啲湯嚟食添。
.
西班牙黑毛豬火腿伴哈密瓜配火箭菜沙律 🥗 Philibon Melon and Ibérico Ham arugula salad, pesto, white balsamic vinaigrette
冷盤就叫左黑毛豬火腿🥓伴哈密瓜🍈，面頭除咗火箭菜，仲有南瓜籽，為菜式增添口感。分開食哈密瓜同火腿嘅話可能唔覺得有咩特別，但夾埋一齊食就可以食材嘅香味。哈密瓜本身已經夠新鮮，非常鮮甜，配埋火腿嘅鹹香就更加出色，同時平衡嘅黑毛豬火腿嘅鹹味，而且仲有底部嘅青醬，食落好特別。不得不提Cafe Causette嘅青醬真係好香，我地食麵包嘅時候差啲想Refill一個嚟蘸。
.
Main Course
安格斯肉眼配法式香草牛油伴薯條240克🥩🍟 Steak Frites 240g angus ribeye, maitre d’hôtel butter
相信好多人見到Menu都會揀依個安格斯肉眼，肉眼嘅話揀三至五成熟就最好啦，我地就揀咗五成熟 (Medium) 。上菜時賣相就麻麻啦，因為上面嘅香草牛油已經溶晒，但咁都證明廚師係等我地食完前菜先煮牛扒，唔會攤到凍晒先俾你，依個都係我地揀落餐廳食嘅原因之一，因為如果揀In room Dining，侍應就無辦法留意到你哋食完前一道菜未，所以佢哋會安排一次過上晒前菜、主菜同甜品。
.
依度嘅安格斯肉眼比較薄身，調味、口感都唔錯，亦少脂肪，唔會將貨就價俾客人下欄嘢。但最出色嘅其實係佢嘅薯條，雖然睇落平平無奇，但炸得超香脆，食落索索聲，粗厚度適中。同之前同樣炸得香脆嘅薯條唔同，佢入面仲係滿滿嘅薯蓉添呀！
.
烤比目魚柳茴香沙拉配白葡萄酒汁 🐟 Roasted Halibut Fillet fennel salad, white wine and chive velouté
另一個我地就叫咗個比目魚柳配茴香沙拉，魚就失色咗啲啦，雖然配上幼滑嘅香草忌廉汁味道唔錯，但肉質比較鬆散，一拮落去魚肉就散晒。茴香烤得好香，為成個菜添加咗清新嘅味道同口感，不過我地都唔特別鍾意食茴香，所以都鍾意Steak frites多啲！
.
Dessert
文華芝士餅伴藍莓果醬 🍰 1963 Mandarin Cheesecake blueberry compote
最後食完主菜，侍應就上甜品啦，首先試下文華著名嘅芝士蛋糕。點解叫1963？因為聽聞廚師試過唔同嘅配方，但仍然認為1963嘅配方同食譜最好味，所以文華芝士餅就一直沿用依家配方，仲加返1963依個年份，特此紀念。同一般芝士蛋糕唔同，佢地仲加咗白朱古力喺入面，面頭有藍莓、忌廉，而佢地係無餅底嘅。芝士亦帶有鹹香，口感好Rich，同埋無左消化餅餅底，會完全Focus咗喺蛋糕度，質感好細緻。加左白朱古力嘅芝士蛋糕用甜味平衡返芝士嘅味道，食落無咁膩。另外仲配咗藍莓醬，酸酸甜甜，同芝士蛋糕好夾。
.
特濃朱古力蛋糕配香草奶油🍫 Devil Cake dark chocolate, vanilla cream
點解叫Devil Cake？一定係因為依個蛋糕夠晒邪惡，超濃厚嘅黑朱古力，配上呍呢嗱Cream，好甜但好好味！面頭係鏡面朱古力，中間海棉蛋糕同朱古力脆脆，剩係依個配搭已經食到停唔到。呍呢嗱Cream都唔係裝飾咁簡單，我地見到入面有用新鮮呍呢嗱籽，唔係普通用呍呢嗱香油就算。如果你有整過蛋糕嘅話，就知道兩者有幾大分別。倒埋落蛋糕上面食真係超邪惡、超肥！但佢真係好味到我地兩個食到咁飽都食得落。
.
最後仲有同蛋糕一齊上菜嘅酒心朱古力🌰，除左蛋糕之外，佢地嘅手工朱古力都好好味。就算係蛋糕上面嘅朱古力牌都一啲唔馬虎，絕對唔會好似出面普通餅店只用低質朱古力敷衍。
.
依餐3 Courses Dinner如果要用正價俾都要$888，但我地就成個package咁買，所以都真係幾抵食。服務都相當好，侍應非常貼心，佢地亦好留意客人嘅一舉一動，所以文華依個Staycation Package真係超值！下次再同大家分享下早餐有咩食啦， 如果大家有試過其他酒店嘅Staycation不妨留言同我地分享下！🍾
.
Follow us on Instagram - Foodastics
張貼
