川味雞烤魚大王 (隆亨商場) (已結業)

大圍多野食就眾所週知, 火車站上天橋嘅另一邊別有洞天的我今日才知, 向住隆亨村行落天橋再上另一天橋(無錯,因為行馬路要dull路)就見到青綠色招牌嘅川味雞. 原來揾都唔使揾. 趁未到lunch hour趕快入去坐低, 全店卡位唔使爭.茴味豬頸肉 配中辣湯薯粉落單時講低加辣喺湯薯粉, 我要挑戰中辣！用一個有耳仔嘅碗裝湯薯粉, 湯底好香, 醎酸菜與其他配料令湯底味道更豐富. 薯粉軟硬好適中, 不易斷, 又入味, 辣味, 花生, 即使淨食都夠好味. 而豬頸肉簡直驚喜, 首先一碟有很多件大size豬頸肉, 肥瘦均勻, 茴香味是來自店家毫不吝嗇灑上孜然粉, 加上芝麻確是錦上添花. 豬頸肉煎得皮脆惹味, 推介！小食 麻辣木耳木耳係好健康嘅食物, 近年大家好興用來加入不同菜式, 本身無味加入麻辣汁, 木耳帶了醬汁, 口感既爽又刺激.夫妻肺片好少見堆到咁大碟嘅夫妻肺片, 大塊肥厚牛展, 豬肚, 打橫切嘅金錢肚, 豬耳等等, 每樣都整得軟身所以更入味, 最impressive係塊牛展.紅油抄手 店家秘製辣汁配咩都match, 佢地自己包嘅抄手皮薄餡靚, d肉餡仲比外面嘅鋪頭大舊, 淥餃時間掌握得好準,