好湯好麵

營業中

休息中

男朋友話次次經過都見到好多人等，今晚一於試下呢間米之連得獎餐廳，雖然出面排隊，但排隊既時候會俾menu 我地睇同揀定食咩，選擇困難症既我，樣樣都想試吓等左唔夠5分鐘就入到去啦。最後我同男朋友都叫左必食既海龍皇同埋高湯蒜子浸時菜，連碟菜既湯都係超香甜湯底好濃，好香蝦味，啲海鮮都好爽好彈牙，裏面有齊晒menu 提及既餸，絕對唔馬虎，用心之作，平時減肥既我好小飲面既湯，今次都飲晒成碗。決定左下次要試埋佢其他湯面。值得一提既係，雖然係小店，但服務態度都好好，又會主動斟水加分加分！