家全七福 (H Zentre)

營業中

休息中

今日跟老細同啲客去食飯，依舊去咗H zentre既家全七福，餐廳除咗適合一家大細共聚天倫之外，都好適合商務會議，餐廳裝修高級，侍應服務水平100分，有賓至如歸嘅感覺。前菜嗌咗蜜汁叉燒，價錢雖然比較高，但係真係一分錢一分貨，叉燒肥瘦均勻，滿滿嘅蜜汁包住，另外一口咬落去，淡淡的玫瑰露酒芬香撲鼻。牛𦟌都非常有驚喜，滷得非常之淋，配上酸酸甜甜嘅秘製醬汁，容易入口之餘，亦都唔會話好柴皮。七福脆皮雞，係次次黎都會食，外皮燒得香脆，皮下脂肪又唔會好多，咬落去肉質鮮嫩。蒜蓉炒豆苗，鑊氣好夠鑲焗鮮蟹蓋，解蓋放滿一絲絲拆好既蟹肉，非常鮮甜，亦都十分方便最後鮑汁章魚雞粒炒飯，鮑汁包住每一粒飯，配上章魚同雞粒，口感十足。