為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

See Food 閨

等級3

溫野菜係採用一人一鍋嘅模式，所以今次有機會一次過試晒溫野菜嘅四個湯底：（左起）鰹魚湯，骨膠原柚子鹽湯，藥膳湯同埋有機豆乳鍋。另外仲有其他4種湯底，每款平均都係$29左右。先講鰹魚湯，好清但味道偏醎，如果配上烏冬食就剛剛好😋至於女生恩物骨膠原柚子鹽湯，一上湯底時可以見到一粒粒嘅骨膠原啫喱，上面鋪上橘黃色嘅柚子絲，湯頭一啲都唔油膩，配上溫野菜嘅新鮮蔬菜，食到蔬菜嘅甜味又品嚐到淡淡柚子清香，將Fresh嘅定義推上另一個新層次！而藥膳湯就包含 12 種材料，包括紅棗、杞子﹑花椒﹑草果、蓮子、金針等等，店員會先問你嘅口味，再幫你將藥材放入湯底（其實好想自己放😂好似好好玩咁）藥膳湯味道比較濃，充滿藥材香味，而且花椒味好重，好容易愈食愈咸，但呢個時候拎嚟烚豬肉就啱啱好啦，同行嘅朋友都話豬肉同花椒味好夾，好好味。最後，有機豆乳鍋絕對係跑出之作，豆乳味非常濃郁，同牛肉、蔬菜都十分之夾，好味到要連湯都飲埋，但係一路食要一路睇火😂因為啲豆乳好易一下滾得好快，一係就完全冇聲氣，要控制住火候。另外，特別欣賞佢個特製隔湯碗，平時打邊爐最怕打到中間啲湯同啲醬汁撈埋一齊浸左大半個碗，搞到放啲食物落去都完全食唔到食物本

溫野菜係採用一人一鍋嘅模式，所以今次有機會一次過試晒溫野菜嘅四個湯底：（左起）鰹魚湯，骨膠原柚子鹽湯，藥膳湯同埋有機豆乳鍋。另外仲有其他4種湯底，每款平均都係$29左右。

先講鰹魚湯，好清但味道偏醎，如果配上烏冬食就剛剛好😋

至於女生恩物骨膠原柚子鹽湯，一上湯底時可以見到一粒粒嘅骨膠原啫喱，上面鋪上橘黃色嘅柚子絲，湯頭一啲都唔油膩，配上溫野菜嘅新鮮蔬菜，食到蔬菜嘅甜味又品嚐到淡淡柚子清香，將Fresh嘅定義推上另一個新層次！

而藥膳湯就包含 12 種材料，包括紅棗、杞子﹑花椒﹑草果、蓮子、金針等等，店員會先問你嘅口味，再幫你將藥材放入湯底（其實好想自己放😂好似好好玩咁）藥膳湯味道比較濃，充滿藥材香味，而且花椒味好重，好容易愈食愈咸，但呢個時候拎嚟烚豬肉就啱啱好啦，同行嘅朋友都話豬肉同花椒味好夾，好好味。

最後，有機豆乳鍋絕對係跑出之作，豆乳味非常濃郁，同牛肉、蔬菜都十分之夾，好味到要連湯都飲埋，但係一路食要一路睇火😂因為啲豆乳好易一下滾得好快，一係就完全冇聲氣，要控制住火候。

另外，特別欣賞佢個特製隔湯碗，平時打邊爐最怕打到中間啲湯同啲醬汁撈埋一齊浸左大半個碗，搞到放啲食物落去都完全食唔到食物本身嘅味道，但呢個特製碗就可以先瀝乾食物上嘅湯同醬汁，令到所有嘢比例啱啱好先放入口，享受到食物嘅原有滋味。