影片
更多
2022-05-18
79 瀏覽
天氣成日落雨濕笠笠，所以就諗住去打個邊爐暖吓個身體，去到佐敦呢間餐廳直接叫「打邊爐」幾有趣。呢輪身體比較夜瞓，所以嗌咗個椰汁雞煲湯底滋潤下，估唔到個煲上枱雞肉仲係全生嘅，服務員會係你面前煎香雞肉加埋一啲配料，之後會讚酒爆香晒所有材料，跟住加一個新鮮嘅椰青及高湯煮熟。哇！奶白色的湯底聞到已經非常清香，入口清潤有好多椰青肉，因為有用酒爆香，所以配料都充滿香味。前菜叫咗個響鈴可以點酸辣汁或者打邊爐食，同埋叫咗個風沙粟米，等上菜嘅時候食就啱啱好。配料當然嗌咗手切肥牛肉，牛肉雪花均勻，入口即溶，肉味正常。之後叫了梅菜豬肉丸，有啲似肉餅嘅感覺配埋豬肉丸，幾好味。爆漿嘅蝦丸，丸裏面有啲流心係鹹蛋黃，所以食嘅時候要小心啲，蝦肉新鮮彈牙，鹹蛋香幾惹味。西洋菜餃子，裏面有啲帶子粒，比平時多一種鮮味。跟住叫咗個雜錦菜，兩個人食都好飽，最緊要個湯底非常夠味，基本上都唔使點樣點豉油。另外叫了支裝嘅竹蔗茅根同埋薏米檸檬水，打邊爐嘅時候不妨滋潤吓，個人就唔使咁燥！
哇！奶白色的湯底聞到已經非常清香，入口清潤有好多椰青肉，因為有用酒爆香，所以配料都充滿香味。
前菜叫咗個響鈴可以點酸辣汁或者打邊爐食，同埋叫咗個風沙粟米，等上菜嘅時候食就啱啱好。
配料當然嗌咗手切肥牛肉，牛肉雪花均勻，入口即溶，肉味正常。
之後叫了梅菜豬肉丸，有啲似肉餅嘅感覺配埋豬肉丸，幾好味。爆漿嘅蝦丸，丸裏面有啲流心係鹹蛋黃，所以食嘅時候要小心啲，蝦肉新鮮彈牙，鹹蛋香幾惹味。
西洋菜餃子，裏面有啲帶子粒，比平時多一種鮮味。
跟住叫咗個雜錦菜，兩個人食都好飽，最緊要個湯底非常夠味，基本上都唔使點樣點豉油。
另外叫了支裝嘅竹蔗茅根同埋薏米檸檬水，打邊爐嘅時候不妨滋潤吓，個人就唔使咁燥！
張貼
