泰國路邊街美食

營業中

休息中

在香港吃泰國菜,有如恆河沙數,單係一個九龍城,已有大把選擇,求其講已有小曼谷,黃珍珍,隆姐等等.如果去過曼谷,對乾撈麵念念不忘的話,又似乎有點難度.月前在城南道,發現此店有泰式撈麵供應,即刻捉住友人前往.店內格局,唔多似做本地人生意,所有食客,差不多係泰國人,店員當然亦係同鄉,略懂廣東話.點菜方面不成問題.要個乾撈,炸雲吞皮,魚片,肉丸,連花生碎,荵,莧茜,撈埋一起,加點魚露,吃得很過癮.泰式海南雞飯,雞肉一般,油飯也對辦,比隆姐或土瓜灣黃金海,又差少少.友人之泰式雜麵,其實都係車仔麵,一般貨色.下次來,再試多幾款撈麵,對我這個麵迷,實在不可多得.