影片
更多
2022-08-07
981 瀏覽
朋友見到有朋友去完呢間食之後啲相好似好靚都聽講話好食 所以就同我講想食呢間咁我就五日前book定 話提早好多唔係 好遲又唔係Book咗晚上6點 入座帶位帶咗我哋去張細圓枱見到張枱覺得我哋食晚飯，呢張枱放唔哂我哋嘅食量😛去個洗手間，經過見到有好多吉方型枱 大啲又可以放到多啲野食咁就問佢可唔可以轉枱啦 之後Staff A就查詢其他Staff BCD最後其中一個去咗問個帶位 之後佢哋私下傾咗幾句帶位話因為𥚃面嘅係食晚餐 我就話我哋都係食晚餐之後聽到我哋想換位嘅時候就皺眉嘅Staff E話因為個啲係4人枱，全部都有人book咗🤦🏻♀️（我呢刻心諗 我都係book咗枱㗎喎Hello？不過又真係得3個人😂 心諗Ok Fine）之後話有time limited 再話我哋呢張無limited 仲話3人枱得翻呢兩張(明明記得話星期五、六、假期前先限90分鐘 為咗唔想幫我哋轉 仲可以講咩？)最後都有同我哋講 如果有no show就比我哋轉入去咁算啦 都講到咁 唯有繼續坐張細枱啦😳唯有諗其他方法解決枱細嘅問題之後落單同咗Staff B講 可唔可以食哂一樣先上一樣佢都話 可以嘅 (一望就知張枱放咗水 碟 餐具
都聽講話好食 所以就同我講想食呢間
咁我就五日前book定 話提早好多唔係 好遲又唔係
Book咗晚上6點 入座帶位帶咗我哋去張細圓枱
見到張枱覺得我哋食晚飯，呢張枱放唔哂我哋嘅食量😛
去個洗手間，經過見到有好多吉方型枱 大啲又可以放到多啲野食
咁就問佢可唔可以轉枱啦 之後Staff A就查詢其他Staff BCD
最後其中一個去咗問個帶位 之後佢哋私下傾咗幾句
帶位話因為𥚃面嘅係食晚餐 我就話我哋都係食晚餐
之後聽到我哋想換位嘅時候就皺眉嘅Staff E話
因為個啲係4人枱，全部都有人book咗🤦🏻♀️
（我呢刻心諗 我都係book咗枱㗎喎Hello？不過又真係得3個人😂 心諗Ok Fine）
之後話有time limited 再話我哋呢張無limited 仲話3人枱得翻呢兩張
(明明記得話星期五、六、假期前先限90分鐘 為咗唔想幫我哋轉 仲可以講咩？)
最後都有同我哋講 如果有no show就比我哋轉入去
咁算啦 都講到咁 唯有繼續坐張細枱啦😳
唯有諗其他方法解決枱細嘅問題
之後落單同咗Staff B講 可唔可以食哂一樣先上一樣
佢都話 可以嘅 (一望就知張枱放咗水 碟 餐具 飲品 所有野都三份)
一碟野食放中間都仲有位 嚟第二碟就差唔多就無位放啦 唔好玩啦大佬🤦🏻♀️
第一同第二碟都係用啲稍為細嘅碟裝 勉強可以一齊放
第三盤同第四盤都係用長木盤 說好的食完先上呢？
結果無位放 同個Staff B你眼望我眼 問我哋可唔可以清埋出面剩低一塊
但重點朋友自己隻碟上面個啲未食完呀😫 好似餵豬咁款 被迫食快啲咁
結果幫我哋將碟菜放埋一邊先 諗住等我哋食完先上
(心諗Er… 牛扒嚟嘅 係打算幫我哋攤凍啲先食？)
之後我拿拿臨分配咗出面啲野食 等佢收走第三碟算
最後佢哋不情不願地將另一張三人枱未有人坐就借住比我哋用先
Staff E又黑面啦～ (都話咗我哋食晚飯啦 明顯你張咁嘅細圓枱唔夠位啦係咪呀？)
3人枱嚟前我地還翻張枱比人 之後最燥嘅point嚟啦
3人枱一嚟到坐低都係request轉枱 呀又真係好野
即刻有枱轉 (4人枱又忽然可以坐3人啦？！ 真係火滾)
之後再有另一枱嚟到又係可以轉入面坐🤷🏻♀️
呢間啲Service真係不得了 我第一次見啲咁差service嘅餐廳
Request嘅時候一直都用好好嘅態度問(對得住自己對得住人)
令我燥到寫咗成千字 又真係第一次 真係不可一不可再呀😑
可能係我今次唔好彩 但我一定唔會再嚟食😤
重點係啲野食唔係特別好食 普通 寫埋嘢食評論先
雖然好燥 但我都係好有心機咁影啲嘢食😌
啲食物相跟順序放 睇完內文再睇相就會明白～
Staff B態度Ok嘅 但Staff E就唔係咁好囉🫠
睇翻好多差評都係講態度唔好🥶🥶🥶
⭐️玉米芝士炸丸子
芝士多 味道OK嘅 但玉米可能識隱形 食唔到有～
玉米芝士炸丸子
$85
22 瀏覽
0 讚好
0 留言
⭐️墨西哥牛肉夾餅
塊餅軟到好似放咗過夜咁 唔係脆嘅 呢道菜真係唔識欣賞
其他地方食過明明唔係咁嘅質素😥
墨西哥牛肉夾餅
$128
28 瀏覽
0 讚好
0 留言
⭐️芝士波菜墨西哥酥餅
呢個還可以嘅 不過不失 至少餅係脆嘅🫢
芝士波菜墨西哥酥餅
$118
18 瀏覽
0 讚好
0 留言
⭐️燒肉眼扒14oz
叫咗medium 稍嫌煮耐咗 柴咗少少 但有肉汁 調味都OK
燒肉眼扒14安士
$238
28 瀏覽
0 讚好
0 留言
Snowball
9 瀏覽
0 讚好
0 留言
張貼
