小島料理

營業中

休息中

唔洗排隊先係推薦！！！！！！！味道未算好味不過絕對抵食！！！！！！！！！！！！！！！！！！由於店舖偏細，有時你可能要等入面D人食完一輪先。如果這種情況不幸發生左起你身上，建議離去，因為佢未到值得你浪費時間去食嘅level。$98嘅大碗西冷牛丼，賣相很好，牛肉份量肉眼可見嘅充足，飯有足夠嘅燒汁，燒汁偏淡味唔鹹，純粹幫你易D送飯。白色嘅係乳酪汁，唔濃稠，偏稀。原本以為會係甜嘅，會格格不入，點知原來偏鹹，特色係幾特色，可惜冇令到個丼飯特別好味，撈埋D味都係咁上下，冇咩特別。作為重頭戲嘅肉，據餐牌所說，係經過低温慢煮的，慢定快我就唔知啦，不過真係幾淋身，不失肉嘅質地而又淋身，極少筋，值得一讚。可惜始終佢只係一碗$98嘅肉丼，低廉嘅價格有中上嘅質素已經係物超所值，我都對佢冇更高嘅期望，冇乜肉味係絕對合理加預期之內的。