阿三大牌檔

營業中

休息中

上次經開太和已經見到有間新餐廳都有幾多人去食，上星期日去完朋友屋企，當然一齊食埋個晚飯先走。椒鹽雞軟骨腰果，份量都幾多，入口酥脆。脆皮咕嚕豬頸肉平時出去食通常都係咕嚕排骨，依度就用上豬頸肉，入口酸酸甜甜得黎都啖啖肉，而且件件都掛滿醬汁，唔怕越食越乾。我地點左2份菜煲，一個啫啫蝦乾唐生菜煲，另一個馬拉盞啫嗜通菜煲，兩樣都係我最愛，一上枱已經嗅到濃烈嘅香味，不得了。沙嗲粉絲滑牛煲另一個唔會輸嘅菜式，粉絲掛汁力強，牛肉一D都唔韌，食左兩啖已經忍唔住要叫白飯。小炒皇每次見到餐廳有小炒皇，我地一定會點，蝦米帶出嘅鹹鮮將菜式提高幾個層次，而且佢地炒得好夠鑊氣，入口份外惹味。鐵板德國鹹豬手我有時好怕係餐廳點豬手，因為有D餐廳會烤到好乾身，肉質好硬，但依間令我有點喜出望外，皮脆肉嫰，而且佢地嘅醬汁好夾佢地隻豬手，值得一食，所以到最後都忍唔住叫左住啤酒，戰鬥一番。