順順牛腩 (堪富利士道)

營業中

休息中

短評長處：樓面姐姐態度好，有耐性；食物份量多短板：整體食物味道唔突出20230828一直都留意到呢間牛腩舖今日下午路經尖沙咀，而舖頭設有下午茶時段，正好可以平少少咁試下舖頭都幾企理，無一種傳統麵店黏笠既感覺特別要讚一讚樓面姐姐又好好禮貌，好有耐性一路落單一路講有乜可以揀最後揀下午茶B餐，$52，牛腩河 加 炸魚皮，另加$4飲品下午茶時段比一般正常時段平大約$20落單後唔洗5分鐘已經黎齊牛腩河好大碗，牛腩數量都多，牛腩質素中規中距，顔色偏灰白，肉味偏淡，每件牛腩都算冧身而又唔散，牛筋位都炆得淋而保留少少𡁻口，呢點唔錯，但瘦肉位就偏嚡口，不過好彩無痴牙，牛腩整體不過不失，但就係唔會令人有深刻印象而碗麵最大硬傷大概就係湯，佢既唔係濃口既柱候味，亦唔係清湯味，似係潮州粉麵鋪果種湯，藥材味唔出，但又無肉香，加上碗麵跟左大約一匙羹左右既炸蒜，湯味變左得鹹味同蒜味，平平無奇，雖然唔覺有味精，但亦唔出色，如果要改善，建議由湯開始著手炸魚皮就似來貨，都合理，味道就大路，無特別，略過整體而係，唔係唔好食但無翻兜既意慾，師傅既炆牛腩技巧可以但食材同麵湯可以改善下午茶黎講，價錢都算係咁，但如果正價時段就要諗諗