港南湘蜀食堂

星期六有事過嚟啟德做野，平時太少嚟呢區，今次想順便係附近食埋野，成日覺得啟德站冇咩好野食，除非價錢係貴既，係街到一路咁行，見到呢間茶記，佢有張海報係荷葉蒸飯好想試，但要6pm晚市先有，我地下午茶時間嚟到，等唔到咁耐，最後我揀左個咖哩牛筋腩撈烏冬配熱杏霜。
個烏冬比左勁多咖喱汁，幾好味，夾多幾下原來仲有薯仔，個薯仔係焗過先煮，所以好好味，個杏霜又正正常常冇失手。
全部份量都ok，因為係下午茶時間，$48我覺得好唔錯。