老媽拌麵 (奧海城三期)

營業中

休息中

週末奧海城人頭湧湧非常熱鬧, 行到3期見到老媽拌麵, 可以坐低休息下順便食個下午茶😆原本坐係入面二人位, 見門口位窗邊有幾個闊落梳化位🛋️不過已經坐滿客人, 坐低一陣店員很好待客人用完餐離開後安排左俾我地去坐🫶🏻店舖係大落地玻璃旁邊, 所以採光同樓底都好高, 坐得好舒適😎下午茶套餐:溏心蛋肉燥飯 $52下午茶份量好大🍚一碗飯上面放滿溏心蛋🥚肉燥同秋葵。溏心蛋好好食, 淡淡醬油味唔會太鹹, 中間溏心位置香醇可口😋肉燥香醇濃郁, 鹹香中帶點甘甜, 拌著白飯一齊食, 肉燥細緻既口感送飯一流。另外小菜有碟蕃茄仔🍅有醃過食落好清甜。餐飲揀左洛神花茶, 酸酸甜甜好開胃。西紅柿慢煮牛肋條拌麵 $68慢煮牛肋條肉質嫩滑🥩非常易咬開, 牛肉味濃郁亦帶有淡淡西紅柿味🍅拌麵用上慢煮牛肋條既濃郁湯汁, 更可以食到西紅柿既味道, 似西式醬汁配上中式麵條, 另有一番風味。餐飲金羅漢果海底椰, 金羅漢果味道較清香, 配上海底椰甜而不膩👍🏼台式原味蛋餅(豬肉鬆)配沙拉 $56台式蛋餅香用上蔥薄餅加上肉鬆、蛋🍳芝士🧀生菜🥬番茄🍅青瓜🥒同千島醬整成。豐富滿滿既材料, 蛋餅口感較Q軟🫓生菜青瓜口感脆口, 增加左蛋餅既口感。