影片
更多
2023-03-25
601 瀏覽
天有不測之風雲，行行下突然下起大雨🌧️，仲係黃色暴雨警告訊號添，即刻搵地方避一避，見有個門牌寫住Taste of India，由一條樓梯上去，就食佢啦。餐廳似乎剛開門營業，加上星期六的上環很靜，暫時還未有客人，店員示意可以隨便坐，我地揀左張窗邊位😊店員好快送上水同餐牌，叫左幾樣野，橫掂黎到梗係要食好啲啦😁落完單望下四周，地方都幾大，仲有個打卡位添。⭐Soup of today 是日餐湯叫左午餐有餐湯送，是日餐湯係呢款蔬菜湯，碗湯熱辣辣㗎😙有香辛料味，飲落有啲辣嘅感覺，呢啲落雨天啱晒啦，飲完暖笠笠好舒服。⭐Masala Tea 香料奶茶印度奶茶都係my favourite黎，無港式奶茶咁濃，但香料味重，好鍾意個種肉桂、丁香、薑等香味，茶香奶滑好好飲🤤⭐Samosas 雜菜咖喱角 + Papadam 印度脆餅唔少得嘅小食，即製的，上枱時勁香嘅烤烘味，咖喱角脆身飽滿，入面係滿滿的咖喱薯仔蔬菜餡，香口又好食👍另外仲有脆餅，顧名思義係勁脆啦，點埋個青醬同紅醬更好食，青醬有薄荷、芫茜、青檸味等酸酸辣辣，紅醬味道帶甜，應該係棗果、蒜頭等打成。⭐Tongue Masala 瑪沙拉牛舌主菜之一叫左牛舌，牛
餐廳似乎剛開門營業，加上星期六的上環很靜，暫時還未有客人，店員示意可以隨便坐，我地揀左張窗邊位😊店員好快送上水同餐牌，叫左幾樣野，橫掂黎到梗係要食好啲啦😁落完單望下四周，地方都幾大，仲有個打卡位添。
⭐Soup of today 是日餐湯
叫左午餐有餐湯送，是日餐湯係呢款蔬菜湯，碗湯熱辣辣㗎😙有香辛料味，飲落有啲辣嘅感覺，呢啲落雨天啱晒啦，飲完暖笠笠好舒服。
⭐Masala Tea 香料奶茶
印度奶茶都係my favourite黎，無港式奶茶咁濃，但香料味重，好鍾意個種肉桂、丁香、薑等香味，茶香奶滑好好飲🤤
⭐Samosas 雜菜咖喱角 + Papadam 印度脆餅
唔少得嘅小食，即製的，上枱時勁香嘅烤烘味，咖喱角脆身飽滿，入面係滿滿的咖喱薯仔蔬菜餡，香口又好食👍另外仲有脆餅，顧名思義係勁脆啦，點埋個青醬同紅醬更好食，青醬有薄荷、芫茜、青檸味等酸酸辣辣，紅醬味道帶甜，應該係棗果、蒜頭等打成。
⭐Tongue Masala 瑪沙拉牛舌
主菜之一叫左牛舌，牛舌👅軟腍咬落有口感，醬汁意外地帶甜味，除咗香料味外亦有點蕃茄味，香香甜甜很不錯😋
⭐Rogan Josh 印式燴羊肉
另一樣點了羊肉🐑，羊肉近乎全瘦，已炆得很入味。雖然餐牌上有一隻辣椒🌶️，但都係微辣而已，相當容易入口，加上灑了一啲蒔蘿，令香味更提升，好好味😍
⭐Naan 烤餅
個餐可以揀跟烤餅、白飯或黃飯，揀左跟烤餅🫓，意外地大塊😳煙煙韌韌有咬口，連醬汁食真係勁正👍
⭐Pulao Rice 印度皇飯
見仲有咁多醬淨返，又要了客印度皇飯，印度香米比泰國米長身，黏性低口感亦較乾，但混合了香料去煮，味道特別得黎仲好好味，不經不覺又食左一大碗😋
餐廳原來十二點開門三點落場，我地都食足成個時段等停雨，中途來了不少客人，好幾枱都係熟客添，好野就算壞天氣都有人黎欣賞👍
張貼
