SABROSA

營業中

休息中

我哋2個人係萬聖節前夕book左呢間上樓嘅西班牙餐廳，竟然係爆場。佢啲枱排得比較密，係會聽到隔離枱講緊啲咩，對我嚟講有少少嘈。我哋6點9到仲趕得切叫到兩杯happy hour drink。我哋叫咗兩個tapas - 蕃茄醬自家製肉丸同埋西班牙脆包配烏魚子。前者上枱嘅時候好似攤凍咗咁唔夠熱; 後者就有少少普通，個包口感有啲奇怪。之後掙扎咗好耐，到底個main要西班牙乳豬定黃油春雞好，最後揀咗乳豬。佢個皮好脆又唔會好乾身，啲肉唔會太肥，個蘋果醬配落去啱啱好，成件事唔會好油膩。不過見到隔籬枱個黃油雞望落去都好吸引。另外再叫咗個薯條送酒過下口癮。最後叫左burnt basque cheesecake，佢個口感食落去似疏乎厘多過似平日出邊食到嘅巴斯克芝士蛋糕。可能因為嗰日好多客好忙，啲味道係有少少失望，overall黎講正正常常啦。