德發茶餐廳 (已結業)

做完gym， 覺得個人有少少虛脫咁樣，個肚餓到咕咕聲，就入咗去呢間茶餐廳食啲嘢，入到去又唔知食乜嘢好，就求其叫咗自選車仔麵嚟食，因為通常食車仔麵都唔會衰得去邊。我揀嘅自選車仔麵，係三餸車仔麵， 三個餸就係豆卜，牛腩，雞翼， 麵就係粉， 豆卜夠圓夠大食落好香， 牛腩煮得唔係好夠淋但係就好入味，最好食就係嗰啲雞翼，好淋好滑好入味仲好香，碗麵嗰啲湯係牛腩湯嚟，我覺得飲落都幾好飲， 因為通常嗰啲車仔麵嘅湯都會好咸，但係呢個湯我覺得係唔錯嘅。加埋一杯鴛鴦，真係冇得彈。