Sky726

營業中

休息中

今年生日實在太有口福，男朋友訂了這間餐廳為我慶祝生日。７點半左右去到，已經看見非常多人，基本上全場滿座，雖然訂左座，我地都等左十分鐘左右。不過因為訂左窗口位，這裡的窗口位係可以見到旺角全景的，為左睇下個美景，都值得既。我地一共點左三個菜，還點了２個不同的飲品。先說第一個菜，煙三文魚沙律，整得好有心機，味道都不錯，三文魚份量都ＯＫ。然後，第二個菜是美國西冷扒，來的時候有點驚訝，因為好大塊啊，雖然要３百幾蚊，但因為真係好大件，所以完全無覺得唔抵。之後，是一個意大利飯，我們點了一個虎蝦意大利飯伴龍蝦牛油汁，真係超好味，龍蝦牛油汁勁香，非常濃厚的味道，以前都未試過這樣濃的汁汁。再講野飲，真係好特別，我點左個爆谷朱古力，我男友點了一個ＴＲＯＰＩＣＡＬ　ＣＲＵＳＨ，好滿足。