一樂燒鵝

今日午市叫左個叉燒燒鵝瀨
我同店員講：叉燒想要半肥瘦
佢答： 部收銀機無呢個選項呀！

第一，身為一間所謂米芝蓮嘅燒味舖竟然連叉燒可以揀半肥瘦都冇，會唔會差勁左少少？
我去食間米線舖自助落單，都有得揀「腍啲」定係「爽啲」

第二，就算店員話收銀部機冇呢個選項，佢亦都冇打算幫我喺張單上面手寫Mark低，呢個服務態度都有少少趕客。

最後我得到嘅係有五嚿 細細嘅燒鵝，一啲肥肉都冇嘅叉燒，同埋一碗有幾粒蔥一條菜都冇嘅瀨粉。

其實你雙拼收得70幾蚊，質素可以俾多少少誠意。