California Pizza Kitchen (屯門市廣場1期)

營業中

休息中

疫情下收緊左餐廳食飯人數，3人行好難搵到可以坐一枱既餐廳，呢間加洲pizza未試過，又可以坐3個人1枱，就約埋朋友一齊食個下午茶啦。下午時間大把位，安排我地坐卡位，但天氣太好，d陽光照晒入黎又熱又殘眼，於是要求調返左中間d位好了。好開始叫野食，叫份pizza，闊麵同小食薯條，薯條用蒜香牛油醬，薯條係粗薯有薯味，新鮮炸的，唔會炸得好透，ok。蒜香大蝦青瓜闊麵，份量偏少，真係1人1啖都無晒，可能有青瓜既關係出好多水，無乜醬汁，有蒜香味，有7隻蝦仔，我覺得麻麻地。主角pizza到，個pizza放左好菜，個批本身無乜料，係有雞肉同牛油果，菜係後加落去食果陣都分開晒，當沙律咁食，值得讚既係個批邊香脆得黎內裡鬆軟，帶少少甜味，剩食個邊都唔會好dry，有d咖哩汁點下就正啦。可能今次嗌既野本身唔太好食，其他未試唔知，有機會可以再試下既，整體算不過不失。